Prezıdenttikke úmitker Qasym-Jomart Toqaevtyń respýblıkalyq qoǵamdyq shtabyna 200-deı adam tirkeldi dep habarlaıdy Qamshy.kz aqparat agenttigi Zakon.kz portalyna silteme jasap.

"Shtab quramyna 187 adam kirdi, olar elge tanymal adamdar, qoǵam qaıratkerleri. Onyń ishinde dańqty sportshylar Jaqsylyq Úshkempirov, Aleksandr Vınokýrov, Aıbek Nuǵymarov, Álıa Iýsýpova, Qanat Islam, Dınara Sadýaqasova sıaqty sańlaqtarymyz bar. Arýjan Saın, Dınara Zakıeva, Vera Kım jáne taǵy basqa úkimettik emes uıymdar ókilderi kelisimin berdi. Shtabqa ártister de kirdi. Roza Rymbaeva, Altynaı Jorabaeva, Meırambek Bespaev, Samal Eslámova bar", – dedi Máýlen Áshimbaev respýblıkalyq qoǵamdyq shtabtyń resmı ashylýynda.

Esterińizde bolsa, Qazaqstan Respýblıkasy Prezıdentiniń kezekten tys saılaýy 2019 jylǵy 9 maýsymǵa taǵaıyndalǵan bolatyn.

Usynǵan: Dáýren Sybanbaı