Elbasy Nursultan Nazarbaev jańa jasaqpen saılaýǵa qatysar bolsa, sózsiz jeńip shyǵaryna senimdi dep habarlaıdy Qamshy.kz aqparat agenttigi.

Qazaqstan Respýblıkasyn 30 jyl basqarǵan Nazarbaev 20-naýryzdan bastap ókilettiligin toqtatqan bolatyn. Ornyna  Senat parlamentiniń tóraǵasy Qasym-Jomart Toqaev keldi. Qazaqstandaǵy kezekten tys saılaý 9-maýsym kúni ótedi. Toqaevty esepke alǵanda jeti kandıdat tirkelgen.

"Jasalǵan jobalar men tyń ıdeıalardyń arqasynda halyqpen tyǵyz baılanysta jumys jasap, men bes saılaýǵa qatystym, eshbirinen halyq maǵan 85%- dan tómen daýys bermedi. Osynyń barlyǵy halyqpen aramyzda túsinispeýshilik bolmaýynyń arqasynda. Bul jaǵdaıdy mamandarmen qatar, barlyq kórshi elder joǵary dárejede baǵalap otyr.",- dedi Elbasy Nur-Sultandaǵy forýmǵa kirmes buryn.

Prezıdenttik ókilettiligi aıaqtalmaǵanyn aıtyp, ári qaraı jumys isteı berýge bolatynyn da jasyrmady.

"Óz kandıdatýramdy usynǵan kúnniń ózinde barlyq qazaqstandyqtar daysyn biraýyzdan maǵan beretin edi, biraq elge jańa ózgerister, jańa joba, jańa urpaqtyń ókilderi qajet. Jańadan kelgen jasaq eldiń ekonomıkasyna ózgeris alyp keleri daýsyz",- dedi Qazaqstannyń Tuńǵysh prezıdenti.

Oqı otyryńyz:

Nazarbaev: Men tek jańa prezıdentke qoldaý kórsetemin

Daıyndaǵan: Bek Baıtas