Áleýmettik jelide kishkentaılardyń tilin qyzyqtap, túrli vıdeolar júktep jatady ǵoı. Saryaǵash medrese kolejine qarasty aımaqta Quran oqyp, eldiń yrzashylyǵyna bólengen bala Qamshy.kz aqparat agenttiginiń kózinen tasa qalmady.

Vıdeoda áýesqoı túsirilimniń avtory aýlada júrgen kishkentaı baladan Quran oqýyn suraıdy. Ózin Abýlazız dep tanystyrǵan kishkentaı bala onyń ótinishin aıaqasty etpeı, júrelep otyrǵan kúıi súrelerdi sýdyratyp jatqa soqty.

Óziniń jasyn suraǵan vıdeo avtoryna "altydamyn" dep jaýap bergen balanyń Quran oqý saýattylyǵyna, maqamyna jeli qoldanýshylary rıza bolyp, alǵystaryn, ystyq lebiz-tilekterin jaýdyrýda.

Vıdeo aıaqtalar tusta da áýesqoı avtor balaǵa uzaq ǵumyr tilep, balaǵa dinı saýattylyǵyn joǵarylata berýdi tapsyrady.

Usynǵan: Ádilet Mádenıet