İshki ister mınıstriniń orynbasary Marat Qojaev Almaty men Nur-Sultanda 500 adamnyń polısıaǵa jetkizilgenin aıtty, dep habarlaıdy Qamshy.kz aqparat agenttigi Zakon.kz saıtyna silteme jasap.

19 myń polıseı, TJ qyzmetiniń 6 myń qyzmetkeri, volonterler jumysqa shyqty. Kósheler men qoǵamdyq jerlerdegi qaýipsizdikti polısıa, áskerıler, Ulttyq gvardıanyń 10 myń qyzmetkeri qamtamasyz etti, – dedi Qojaev.

Al saılaý ýchaskelerinde jaǵdaı turaqty boldy.

"Nur-Sultan men Almaty qalalarynda zańsyz aksıalar ótken jerlerden polısıaǵa shamamen 500-deı adam jetkizildi. Polısıanyń áreketine kelsek, barlyq sharalar zańǵa saı ótti, azamattarmen qarym-qatynas kezinde tártip saqshylary meılinshe ustamdy boldy", – dedi Qojaev.

Tártip buzýshylardy ustaý kezinde arnaıy quraldar qoldanylǵan joq. Jelide polısıadan taıaq jegen, tipti bir adamnyń qaıtys bolyp ketkeni týraly qaýesetter júr – olar shyndyqqa saı kelmeıdi.