9-maýsymda qoǵamdyq kólik kompanıalary jergilikti turǵyndardan jol aqysyn almaıdy, dep habarlaıdy Atyraý qalasy ákimdiginiń baspasóz qyzmeti.
Bul týraly Atyraý qalasy ákiminiń orynbasary Shákir Keıkin jıyn barysynda málimdedi.
Shákir Keıkinniń aıtýynsha, jeksenbi, 9 maýsymda, qala ishindegi jáne qala mańyndaǵy aýyldyq okrýg turǵyndary úshin qoǵamdyq kóliktegi jol aqysy tegin bolady.
- Bul, eń aldymen, saılaýǵa qatysýǵa nıet bildirgen turǵyndarǵa yńǵaıly bolý úshin jasalady. Avtobýstar 7.00-den bastap jolaýshylarǵa qyzmet kórsete bastap, 21.00-ge deıin jumys isteıdi, - dedi Shákir Keıkin.
Búgingi kúni Atyraýda 9 tasymaldaýshy kompanıaǵa qyzmet kórsetetin 30 marshrýttyq baǵyt bar.
Pikir qaldyrý