Ózbekstan azamaty bir túnde birneshe astanalyqty tonap ketti, - dep habarlaıdy Tengrinews.kz tilshisi Astana İİD baspasóz qyzmetine silteme jasap.

Baspasóz qyzmetiniń málimetinshe, 24 maýsymda Astananyń ishki ister departementine 22 jastaǵy astanalyq belgisiz bireýdiń ony pyshaqpen qorqytyp, kúsh kórsetý arqyly jeke múlki men aqshasyn alyp ketkenin aıtyp, aryzdandy. Tergeý is-sharalaryn júrgizý barysynda 24 maýsymǵa qaraǵan túni Abylaı han dańǵyly qıylysynda, saýda úıiniń mańynda, belgisiz bireýdiń avtokólik salonyna basyp kirip, moıynyna pyshaq tósep, jábirlenýshi men onyń tanysynyń altyn buıymdary men aqshasyn alyp, qylmys ornynan jasyrynǵany anyqtaldy.

"Elordalyq İİD qyzmetkerleri "izin sýytpaı" qala aýmaǵynda tonaýmen jáne qaraqshylyqpen aınalysqany úshin Ózbekstan Respýblıkasynyń 31 jastaǵy azamatyn ustady. Sol túni qaskúnem jasaǵan áreketin toqtatpaı, kúıshi Dına kóshesinde kúsh qoldanyp, 26 jastaǵy áıeldiń quny 120 000 teńge turatyn (uıaly telefon) jeke múlkin ashyq túrde urlap ketken", - deıdi baspasóz qyzmetindegiler.

Aıta keteıik, bul derekter sotqa deıingi tergeýlerdiń biryńǵaı tirkeýine alyndy. QR QK "Qaraqshylyq" jáne "Tonaý" baptary boıynsha sotqa deıingi tergeý amaldary júrip jatyr, kúdikti kinásin moıyndady. Sonymen qatar, kúdiktiniń Astana qalasynyń aýmaǵynda jasalǵan basqa da qylmystarǵa qatystyǵy anyqtalyp jatyr. Astana qalasy Almaty aýdandyq sotynyń sheshimen kúdiktige qatysty qamaýǵa alý bultartpaý sharasy qoldanyldy. Kúdikti tergeý ızolátoryna qamaldy.