Kaıdzen — úzdiksiz jumys jasaıtyn júıeni jaqsartý, shaǵyndardy tolyq joıý, kiristi arttyrý, sapa men qaýipsizkti arttyrý maqsatynda kompanıanyń barlyq qyzmetkerlerin utymdy jumys tásiline tartý.

"Kaıdzen" júıesiniń siz bilmeıtin erekshelikteri:

1. Kaıdzen joba kúıinen bastap, servıstik qyzmet kórsetýge deıingi barlyq jumys barysyn qamtıdy.
2. Kaıdzen "KAMAZ" AAQ-daǵy jumys barysynda árbir qyzmetkermen kásipkerlik túrde iske asyrylady.
3. Kaıdzen "qalaı bar, solaı" degen qaǵıdadan bastap kiristiń shyńyna deıin alyp barady.
4. Kaıdzen JİBJ (josparla, iste, baqyla, jaqsart) metodıkasymen bıikke jeteleıdi.
5. Kaıdzenniń jumysy sizdiń qalypty jumysyńyzdy tolyǵymen ózgertken kezde ǵana aıaqtalady.
6. "Kaıdzen" negizinde – fýnksıaaralyq toptyń komandalyq jumysy

"Kaıdzen" júıesiniń máni:

"Kaıdzen" pálsapasy tek qana jobanyń jasalý prosesin baqylap qana qoımaı, sol prosestiń jaqsaryp, damýyn barlyq ýaqyt ishinde qamtamasyz etedi.  Bul tásil jumystyń júıeliligin nazarda ustap, onyń jetken mejede toqtap qalýyna jol bermeıdi.

Kaıdzen tehnologıanyń túp tamyryn ózgertpesten jáne de kapıtaldy qarjyny talap etpesten onyń jaqsarýyna múmkindik beredi.

Kaıdzen júıesimen tabysqa jetken jandar sany az emes. Olardyń barlyǵy da ómirlik ustanymdaryn dál osy júıemen baılanystyryp qoıǵan.

Júıe japondyq bolǵandyqtan olardyń bul týraly túsinigi óte erekshe. Olar ony standartty qamtamasyz etý jáne jaqsartý dep túsindiredi. Al, egerde qyzmetker qalypty júıemen jumys jasaı almaı jatqan bolsa, onda ony úıretý kerek. Qolynan tipti kelmese standartty da aýystyrý qajet. Árbir istiń qaıtarymy bolatyndyqtan júıe qyzmetkerlerge, basqalarǵa kómek qolyn sozýdy da usynady. Adamdar bul jerde qatelesýden qoryqpaıdy, sebebi qateliginen de tabys alýǵa bolatynyn biledi.

"Qatelikten emes, qatelikti qalpyna keltire almaýdan qorqý kerek"

Qoldaý men ınovasıa shamamen ártúrli proporsıada eseptelinedi. Al sońǵy úlgide jasalǵandary tipten keremet bolady. 

"Kaıdzen" júıesiniń mańyzdy bólikteriniń biri bul — gemba. 

Ádette kóbisi ony problemanyń bastalatyn jeri dep qabyldaıdy da, júıeni tastap qasha jóneledi. Ol – durys emes strategıa. Qolyńdy  sýǵa salmaı jatyp ystyq degenmen birdeı. Gembany sheshýdiń eń basty joly – ol jumys orny. Jumys júrip jatqan jerge baryp: "Nege bulaı boldy?", "Ne isteý kerek?", "Sheshimi qandaı?" degen sekildi saýaldarǵa jaýap izdeý qajet. Sonda ǵana nátıje shyǵady. 

Ia, osynyń barlyǵyn oqyp otyrǵan kezde siz ózińizge kóptegen suraq qoıdyńyz. Mysaly "Paıdasy qandaı?", "Men ony jasaı alamyn ba?" degen sekildi. 

Birinshiden, ómirdiń ár sátinde ózgeris bar ekenin uǵý. Siz dál qazir aldyǵa jyljýdasyz ba, álde artqa sheginýdesiz be, sony anyqtaý. Biz ózimizge eshqashan jamandyq oılamaımyz, sol sebepti de qajetti kýrstarǵa jazylyp, óz ómirimizdi jaqsartýǵa bolatynyn túsinemiz. Qysqa qadamdarmen úlken armanǵa jetý bul — óner. 

Ekinshiden, eshkimge daýys kóterip, sógis jarıalamaıtyn bastyqtardyń ornyna ózińizdi qoıyp kórińiz. Siz óz qyzmetkerlerińizge barynsha qoldaý kórsetken saıyn olar da, siz de shyńdalasyzdar.

Basty qaǵıdalardyń biri jáne biregeıi. Ózińdi, aınalańdy, álemdi, jasap jatqan jumysty súıe bil. Sonda ǵana maqsatyńnyń shyńyna shyǵyp, armanyńnyń týyn jelbiretesiń. 

D.Allen aıtqandaı:

Kóptegen jumystyń bir orynda toqtap qalýy, ol jumystyń bastalmaǵany.

Bir orynda turmaı, toqtamaı eńbek etý – adamzattyń eń basty jetistigi.

Avtor: Juldyz Muqanova