Sırıadan oralǵan bir top kelinshek qazaqstandyqtarǵa úndeý joldady dep habarlaıdy Qamshy.kz aqparat agenttigi Eýrazıa birinshi arnasyna silteme jasap.

Soǵystyń ortasynan qashyp, olar endi ózge baýyrlarynyń jazyqsyz japa shekkenin qalamaı otyr. Biri joldasynan, endi balasynan aıyrylǵan jandar áldekimniń arbaýyna túsip qalmaýlaryńyzdy eskertedi.

"Ol jerde soǵys bolǵan joq, ol jerde jappaı joıý boldy", - dedi Sırıadan kelgen otandastarymyzdyń biri.

Endi bir kisiniń qyzy men nemereleri kúıeý balanyń artynan erip, Sırıadan bir-aq shyqty. Qyzy men nemereleri 7 jyldan keıin elge qaıta oraldy.

"Aıtqan sózderin tyńdasam, jaırap jatqan adamdardyń ústimen júrgen, kishkentaı balalarǵa deıin", - dedi ashynǵan ana.

"Jýsan" arnaıy operasıasymen elge qaıtqan taǵy bir kelinshek týǵan jerdiń topyraǵyn basyp, qýanyshtan jylap aldym dedi. Al birge ketken joldasynan bir habar joq.