Qazaqstanda jezóksheniń qyzmetin paıdalanǵan er adamdardy jaýapkershilikke tartý usynyldy. Bul týraly Tengrinews.kz tilshisine bergen suhbatynda "Femınıstskaıa lıga" QU prezıdenti Svetlana Morozova málimdedi.
Naqtyraq aıtsaq, suhbat quldyqtan zardap shekkenderge arnalǵan baspanalar tóńireginde boldy. Mundaı baspana Kókshetaýdan kóp ýaqyttan beri qyzmet etip keledi. Morozova bul ortalyqqa jezókshe bolǵan qyzdardyń túsetinin aıtyp berdi.
"Ertede, 1997-99 jyldarda qyzdar bul ispen aınalysqanyna uıalatyn. Olar jumys isteýge ketip, keıin aldanyp qalatyn. Qazir qyzdar óz nıetimen jezókshelik jolǵa túsedi. Ertede halyq qyzdarǵa kómekteskisi keletin, al búginde olarǵa degen qatynas ózgerdi, toleranttylyq joq. "Ózi kináli" degen sózdi árdaıym estımiz", - dedi ol.
Qoǵam qaıratkeri jezkóshelikti qarastyratyn zańdy qaıta qaraýdy usynyp otyr. "Barlyǵy jezókshelerdi jazalaǵysy keledi, alaıda jaýapkershilik alatyn adamdardy jazalaý kerek dep eshkim aıtpaıdy. Bireýler tipti jezókshelikti zańdastyrsa eken deıdi, olardyń aıtýynsha, medısınalyq qaraýdan ótse bolǵany dep esepteıdi. Keshirińiz, biraq bizde barlyǵy dárigerge qaralady, alaıda aýrý báribir shyǵyp jatyr", - deıdi Morozova.
Ol suranys bolmaı usynystyń bolmaıtynyn eskertti. "Eger tutynýshy óz-ózine tyıym sala alatyn bolsa, eshteńe de bolmaıdy. Al zańymyzda jaýapkershilikti tek jeńgetaı alady, sondyqtan jezóksheler men olardyń qyzmetin tutynýshylar ary qaraı jumysyn jalǵastyra beredi. Mundaı zań bizde joq, sondyqtan qyzdar ózderi úshin jumys istep jatqandaı kórinedi", - dep málimdedi ol.
