Shyǵys Qazaqstan oblysynda atalmysh aksıaǵa 350-den astam adam qatysty. Onyń ishinde 50 volonter bar. Aksıa aıasynda 50 ózen jaǵalaýy men sý qoımasy qoqystan tazartylady, – dep habarlady Qamshy.kz aqparat agenttigi SHQO aqparattyq ortalyǵyna silteme jasap.

– Tarbaǵataı aýdanyndaǵy 50 shaqyrymdy quraıtyn tereńdigi 15 metrge deıingi jaǵalaýdy tazartýdy josparlap otyrmyz. Mundaı sharalardy ótkizý arqyly biz sý qoımalaryndaǵy sanıtarlyq jaǵdaıdy jaqsartamyz. Budan bólek ózen jaǵalaýlaryn qoqystardan da tazartamyz. Shyndyǵyna kelsek, ózenderdiń  astyn tazalaý jumystary sırek júrgiziledi. Al bul óz kezeginde demalýshylardyń densaýlyǵyna zıanyn tıgizetini aıdan anyq. Sol sebepten osy aksıanyń  mańyzy zor, – dedi SHQO orman sharýashylyǵy jáne janýarlar dúnıesi aýmaqtyq ınspeksıasy basshysynyń orynbasary Sanaqbek Kitapbaev.

Óńirdegi Zaısan ózeni, Óskemen, Shúlbi sý qoımalary, sondaı-aq Sasyqkól ózenderine tazalyq jumystary júrgizildi. Nátıjesinde sýdan 34,4 myń tekshe metr nemese 345 dana qoqys shyǵaryldy.

Atalmysh aksıa eldiń barlyq jerinde uıymdastyrylýda. Al qorytyndysy 19 tamyzda jarıalanady.