Jambyl oblysynda Jastar jyly aıasynda qolǵa alynǵan «Áýlıata jaýharlary» tarıhı-tanymdyq ekspedısıasynyń jeńimpazdary marapattaldy dep jazady Qamshy.kz aqparat agenttigi. 

Jambyl oblysy ákimdiginiń mádenıet, arhıvter jáne qujattama basqarmasynyń Tarıhı-mádenı eskertkishterdi qorǵaý jáne qalpyna keltirý dıreksıasy men Jastar saıasaty basqarmasynyń uıymdastyrýmen shilde aıynda oblys jastary arasyndaǵy «Áýlıeata jaýharlary» tarıhı-tanymdyq ekspedısıasynyń jumysyn qolǵa alǵan edi. Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynda belgilengen tapsyrmalardy oryndaı otyryp, týǵan ólke aýmaǵyndaǵy tarıhı-mádenı oryndardy jastarǵa tanystyrýdyń maqsat etken ekspedısıanyń shynynda bereri mol boldy. Sondaı-aq bul shara «Qazaqstan 2020: bolashaqqa jol» memlekettik jastar saıasatynyń 2020 jylǵa deıingi Tujyrymdamasynyń İİ kezeńin iske asyrý maqsatyn kózdep jastar arasynda jalpyulttyq patrıotızmdi qalyptastyrýǵa, ólketaný baǵyttynda tyń aqparatty jınaýǵa, týǵan ólkeniń tarıhy men mol rýhanı qundylyqtary týraly bilimderin arttyrýǵa, belgili bir aımaqty tanyp, bilýge jáne zertteýge baǵyttalǵan.

Ekspedısıa kezinde oblys jastary óńirdenshyqqan tanymal tulǵalardyń ómir jolymen, oblystyń tarıhı-arheologıalyq oryndarymen, halyq aýyz ádebıetiniń tańdaýly úlgilerimen tanysty. Qazaqstandyq patrıottyq sana-sezimin nyǵaıtý, jastardy is-sharaǵa qatystyrý arqyly qoǵamdyq-saıası ómirge tartý jáne mádenı, rýhanı qundylyqtaryn arttyrýǵa baǵyttalǵan mundaı sharalardyń jastardy jan-jaqty jetildirýdegi yqpaly zor.

Óńir jastarynyń nazaryn bir sát tasyn túrtseń myńjyldyq tarıhtan syr shertetin ólkeniń ótkenimen tanystyrýǵa den qoıǵan «Áýlıeata jaýharlary» atty tarıhı-tanymdyq ekspedısıanyń jeńimpazdary marapattaldy. Birneshe kúndi qamtyǵan shara qorytyndysy boıynsha İ oryndy Shý aýdanynyń komandasy ıelense, İİ jáne İİİ oryndar Taraz qalasy men Sarysý aýdanynyń jastarynyń enshisine tıdi.Sondaı-aq shara kezinde túsirilgen foto, beınematerıaldardyń eń úzdigi de arnaıy syılyqqa ıe boldy.Barlyq jeńimpazdarǵa uıymdastyrýshylar tarapynan dıplomdar men baǵaly syılyqtar tabystaldy.