Memleket basshysy Qasym-Jomart Toqaev jýyrdaǵy Joldaýynda bilim salasyna aıryqsha basymdyq berdi. Ásirese ustazdardyń aılyq jalaqysyn ósirý, olardyń statýsyn kóterý syndy tapsyrmalary kóptiń kókeıinen shyqqany anyq. Árıne Memleket tarapynan mundaı qamqorlyq kórsetilip, túrli baǵdarlamalar jandanyp jatqanda tek bilim sapasyn jaqsartý qajet. Bul oraıda Jambyl oblysyndaǵy Jambyl aýdanynda bilim júıesinde aýyz toltyryp aıtarlyq tirlik barshylyq dep jazady Qamshy.kz aqparat agenttigi.
Máselen Jambyl aýdanyndaǵy jalpy 37 bilim berý uıymdarynyń (26 orta, 10 bastaýysh, 1 negizgi mektep) 872 synyp komplektisinde 15 767 balaǵa 1 899 ustaz bilim berýde. Sonymen qatar, mektepaldy daıyndyq boıynsha 89 synyp komplektisinde 1 484 bala bilim alýda.
Kompúterlik tehnıkamen qamtamasyz etý deńgeıi 1 kompúterge ortasha eseppen 8 oqýshyny quraıdy. Jalpy aýdannyń barlyq mektepteri ınternet jelisine qosylǵan. Onyń ishińde 25 mektepte 60 hımıa, fızıka, bıologıa kabınetteri, 22 mektepte 30 kabınet lıngofon jáne mýltımedıalyq quraldarmen jabdyqtalǵan, 32 mektepte 110 ınteraktıvtik taqtalar bar. Barlyq mektepterge beınebaqylaý ornatylǵan.
2019 jyly bilim berý salasyna 9 mlrd. 241,1 mln. teńge bólindi.
Jalpyǵa birdeı mindetti orta bilim qorynyń shyǵyndary 191,1 mln. teńgeni qurady. Onyń ishinde 106,2 mln. teńge az qamtamasyz etilgen otbasylardan shyqqan 1 331 oqýshyny tamaqtandyrýǵa bólinip, ıgerilgeni 56,2 mln.teńge. Bastaýysh synyptaǵy 1 688 oqýshylaryn ystyq tamaqpen qamtýǵa 122,4 mln. teńge bólinip, 59,9 mln. teńgesi ıgerildi.
2018-2019 oqý jylynda aýdan kóleminde 21 eldi-mekennen 12 mektepke 997 oqýshy tasymaldanyp oqytylady.
2018-2019 oqý jylyna mektep bitirýshiler sany – 600 oqýshy. UBT tapsyrýǵa ótinish bildirgen oqýshylar sany - 407 oqýshy. Jalpy 67,8 paıyzyn qurap otyr. Onyń ishinde, 16 oqýshy «Altyn belgige», 9 oqýshy «Úzdik atestatqa» úmitker.
Aýdandaǵy mektepke deıingi bilim beretin 22 balabaqshada (2 698 bala) jáne 20 mektep bazasyndaǵy shaǵyn ortalyqtarda (1075 bala) barlyǵy 3773 búldirshinder tárbıelenýde. Aýdanda 1 men 6 jas aralyǵyndaǵy búldirshinderdi mektepke deıingi tárbıemen qamtý kórsetkishi 86,7 paıyzdy (oblystyq kórsetkish 84,0%) qurady. 3 pen 6 jas aralyǵyndaǵy tárbıemen qamtý kórsetkishi – 99,1 paıyzdy (oblystyq kórsetkish 98%) quraıdy.
Iá, bul alaqandaı aýdandaǵy jastardyń bilim sapasynyń kórinisi.
