«Deni saýdyń – jany saý» deıdi dana qazaq. Shynynda tánniń saýlyǵy, jannyń da demeýi ekeni daýsyz. Búginde ulttyń saýlyǵyn jaqsartý baǵytynda memleket tarapynan jandanyp jatqan jobalar az emes. Bir ǵana «Densaýlyq» baǵdarlamasy talaı eldi mekendegi halyqtyń eńsesin tiktep, deniniń saýlyǵyna dármen berdi dep jazady Qamshy.kz aqparat agenttigi.
Máselen Jambyl oblysy Jambyl aýdanynda densaýlyq saqtaý salasynda 35 mekeme men uıymdar halyqqa qyzmet kórsetedi, onda barlyǵy 106 dárigerler men 492 orta býyndaǵy medısına qyzmetkerleri bar. Jalpy aýdan boıynsha 10 myń turǵyndarǵa dárigerlermen qamtylý kórsetkishi 12,8 promıldi qurady (2018 jyldyń 6 aıy – 13,6).
2019 jyly 1000 adamǵa shaqqanda týý kórsetkishi 18,67 promıldi qurady (2018 jyldyń 7 aıy – 21,44 promıl). 1000 adamǵa shaqqanda ólim kórsetkishi 5,46 promıldi qurady (2018 jyldyń 7 aıy – 5,74 promıl).
Esepti kezeńde ana ólimi tirkelmegen. Al 1 jasqa deıingi sábıler ólimi kórsetkishi 5,7 promıldi qurady (2018 jyldyń 7 aıy – 11,5). Náreste ólimi boıynsha 9 jaǵdaı oryn alǵan (2018 jyldyń 7 aıy – 10 jaǵdaı).
Jyl basynan beri 20 adamda týberkýlez aýrýy anyqtaldy. 100 myń adamǵa shaqqanda týberkýlezben aýyrǵandar kórsetkishiniń koeffısenti 37,5 promıldi qurady (2018 jyldyń 7 aıynda 18 adam naýqastanǵan nemese 24,4 promıl).
Sonymen qatar, bıyl 100 myń adamǵa shaqqanda qant dıabetimen naýqastanǵandar koefısıenti 85,3-ni (2018 jyldyń 7 aıy – 72,8), qan qysymymen naýqastanǵandar koefısıenti 1 668,9-ny (2018 jyldyń 7 aıy – 2 402,2), jańadan paıda bolǵan qaterli isik aýrýlary 78-di (2018 jyldyń 7 aıy – 65,5), narkologıalyq táýeldilikke dýshar bolǵandar kórsetkishi 87,7-ti qurap (2018 jyldyń 7 aıy – 89,8), júıkesi syr bergender kórsetkishi 11,0ge jetti (2018 jyldyń 7 aıy – 4,9).
Árıne, bul tusta keıbir kórsetkishten janǵa jylý berse, keıbiri kóńil kónshitýde. Sol sebepti Elbasy eń basty baǵyt shalǵaıdaǵy aýyldardyń ózin shaǵyn medısınalyq pýnktermen qamtýdy tapsyrdy. Sonyń arqasynda búginde Moıynqum syndy Jambyl oblysynyń kartasynda jalpaǵynan jatqan aýdannyń Shyǵanaq synydy aýyldarynyń ózinde medısınalyq mekemeler jumys jasaýda. Jáne onda «Dıplommen aýylǵa» baǵdarmalasy boıynsha baryp, tirligin tiktep jatqan jastar az emes. Bul sóz joq, kópke úlgi tirlik.
