Taraz qalasynda Qazaqstannyń ǵylymı-zertteý uıymdary men memlekettik organdary basshylarynyń qatysýymen «Transfýzıalyq medısınanyń ózekti máseleleri» atty Halyqaralyq ǵylymı-tájirıbelik konferensıa ótti. Alqaly jıynǵa Qazaqstan Respýblıkasynyń Memlekettik jáne komersıalyq Densaýlyq saqtaý uıymdarynyń ókilderi, Reseı, Ýkraına, Belorýssıa, Tájikstan, Ózbekstan, Qyrǵyzstan jáne basqa elderden transfýzıologıa salasyndaǵy sarapshylar qatysty.

Qazaqstan Respýblıkasy Densaýlyq saqtaý mınıstrliginiń Transfýzıologıa ǵylymı-óndiristik ortalyǵy «Eýrazıalyq Medısınalyq Qaýymdastyǵy» zańdy tulǵalar birlestigi jáne Jambyl oblystyq qan ortalyǵy uıymdastyrǵan konferensıada profesorlar, medısına ǵylymdarynyń doktorlary, federaldy memleketti-búdjettik mekemesi «N. I. Pırogov atyndaǵy Ulttyq medısınalyq-hırýrgıalyq ortalyǵynyń» Transfýzıologıa jáne qan quıý máseleleri kafedrasynyń meńgerýshisi Evgenıı Jıbýrt, «N. I. Pırogov atyndaǵy Ulttyq medısınalyq-hırýrgıalyq ortalyǵynyń» medısına ǵylymdarynyń kandıdaty Sergeı Madzaev, Irına Sımarova №52 Máskeý qalalyq klınıkalyq aýrýhanasynyń dáriger anestezıolog-reanımatology Irına Sımarova, doktorant, medısına ǵylymdarynyń kandıdaty Vadım Vladımırovıch, «Respýblıkalyq qan ortalyǵynyń» bas dárigeri Valentına Chýprova, «Respýblıkalyq qan ortalyǵynyń» dırektor orynbasary, medısına ǵylymdarynyń kandıdaty Aıganysh Satybaldıevalar saladaǵy máselelerdi kóterip, sheshý joldaryn qarastyrdy.

Konferensıa jumysy sheńberinde qan komponentterin daıyndaý, donorlyq qandy testileý, gemotransfýzıa qaýipsizdigin qamtamasyz etý, dáleldemelerge negizdelgen donorlyq qan komponentterin qoldaný, qan qyzmetindegi prosesterdi aqparattandyrý, qan júıesiniń onkologıalyq aýrýlary kezinde donorlyq tirkeý jáne diń jasýshalaryn transplantasıalaý sıaqty máseleler talqylandy.

Halyqaralyq konferensıa qan qyzmetiniń ınovasıalyq baǵyttarynda tájirıbe almasýda, qoldanbaly zertteýler men donorlyq qan quıý salasynda úzdik tájirıbeni engizýde, jańa iskerlik múmkindikterdi damytý jáne perspektıvalardy taldaý ornyna qyzmet etetinin atap ótken jón.

İs-shara barysynda úsh baǵyt boıynsha seksıalar jumysy ótkizildi. Atap aıtqanda, dárigerler klınıkalyq transfýzıologıa, óndiristik transfýzıologıanyń ózekti máseleleri, qan qyzmetindegi aqparattyq tehnologıalar jáne transfýzıalyq medısınadaǵy zerthanalyq dıagnostıkasy týraly oı bólisti.

Halyqaralyq konferensıanyń keń aýqymdy ǵylymı baǵdarlamasy (30-dan astam baıandama) qazaqstandyq mamandarǵa transfýzıalyq medısına salasyndaǵy kóptegen qyzyqty habarlamalardy tyńdaýǵa jáne túrli jaǵdaılardy talqylaýǵa múmkindik beredi.