Medısına salasyn sıfrlandyrý bul birinshi kezekte Qazaqstan Respýblıkasynyń strategıalyq baǵyttarynyń biri. Sıfrlandyrý medısına salasyndaǵy barlyq aqparattyq júıelerdi biriktirý, elektrondyq densaýlyq pasporttaryn qurý, mobıldik qosymshany qoldaný, barlyq medısınalyq mekemelerdiń qaǵazsyz qujat aınalymyna kóshý. Sıfrlandyrýdyń medısınalyq qyzmettiń sapasyn arttyrýǵa, medısınalyq qyzmetke qoljetimdiliktiń jaqsarýyna, kezekshiliktiń azaıýyna, búrokratızmdi tómendetýge yqpal etedi.

Jambyl oblysynda atalǵan maqsatta 2017 jylǵy «Sıfrly Qazaqstan» memlekettik baǵdarlamasy aıasynda 2017-2018 jylǵa jergilikti búdjet esebinen 470 mln qarajat medısınalyq aqparattandyrý júıesin engizý úshin bólindi. Qazirgi tańda oblysta barlyq medısınalyq uıymdar medısınalyq aqparattandyrý júıesi engizilgen. Bul júıeniń jumys isteý úshin medısına qyzmetkerleriniń jumys ornyn kompúterlik tehnıkamen jáne medısınalyq uıymdar ınternet jelisimen qamtyldy. 2017 jylǵy kompúterlik tehnıkamen qamtamasyz etý 68,2 paıyzdy qurasa, búgingi tańda 100 paıyzǵa jetti. Kompúterlik tehnıkamen tolyqtaı qamtý úshin jergilikti búdjet qarajatynan 152 mln teńge bólinip, 1 013 kompúter satyp alyndy.

Jalpy, Jambyl oblysynda 391 medısınalyq mekeme bar. Internet jelisine qosylǵandar sany - 352. Bul 95 paıyzdy quraıdy. Osy tusta aıta ketıik, 2017 jyly ınternetke qosylǵan medısınalyq uıymdar sany 188 bolyp, 52,7 paıyzdy quraǵan bolatyn. Qazirgi ýaqytta Qordaı aýdanynda 4 feldsherlik-ambýlatorlyq pýnkt pen 8 medısınalyq pýnkt, Talas aýdanynda 1 medısınalyq pýnkt, Moıynqum aýdanynda 1 feldsherlik-ambýlatorlyq pýnkt pen 3 medısınalyq pýnkt jáne Merki aýdanynda 1 medısınalyq pýnkt atalǵan júıege qosylýy qajet.

QR Densaýlyq saqtaý mınıstriniń buıryǵyna sáıkes 233 bastapqy medısınalyq qujattama nysandarynyń Jambyl oblysy boıynsha 203-i tolyǵymen sandyq formatta medısınalyq aqparattyq júıelerine engizilgen. Onyń ishinde buıryqtyń qosymshalaryna sáıkes, stasıonarlardyń ortasha nysandarynyń sany – 77, ambýlatorıalyq-emhanalardyń koldanylatyn nysandardyń sany-82. Jol kartasynda 2019 jyldyń 25 jeltoqsanyna deıin 100 paıyz eńgizý josparlaǵan. İ jarty jyldyqqa 233 nysannyń 116 nysandy engizýdi qajet etedi.