Memleket basshysy Qasym-Jomart Kemeluly Toqaevtyń alǵashqy Qazaqstan halqyna Joldaýy elimizdiń qoǵamdyq-saıası, áleýmettik jańǵyrýynyń jańa kezeńiniń bastalǵandyǵynyń aıqyn kórinisi. Joldaýdaǵy basym baǵyttarda berilgen tapsyrmalardy júzege asyrý maqsatynda jáne zamanaýı tıimdi memleket qurý úshin barlyǵymyz azamattyq jaýapkershilikti arttyryp, el ıgiligi úshin birlese eńbek etýimiz kerek. Bul oraıda Prezıdent Joldaýda ult saýlyǵy men salamatty ómir saltyn qalyptastyrý týraly basa aıtty. Endigi kezekte osynaý mindetti minsiz oryndaý aldymyzda maqsaty tur dep jazady Qamshy.kz aqparat agenttigi. Jalpy Jambyl oblysy Talas aýdanyndaǵy dene shynyqtyrý jáne sport salasyna toqtalsaq, eldi mekende 213 sport nysany bar. Dene shynyqtyrý jáne sportpen júıeli túrde 16 myń 534 adam shuǵyldanady, aýdan turǵyndarynyń 29,9 paıyzyn qurady. 2018 jyldyń tıisti kezenimen salystyrǵanda 0,7 paıyzǵa ósken.

2019 jyly aýdandyq búdjetten Qarataý qalasyndaǵy bokstan jáne sport oıyndary túrlerinen balalar-jasóspirimder sport mektebiniń stadıonyn aǵymdaǵy jóndeý jumystaryna 6 mıllıon 496 myń teńge bólinip, jóndeý jumystary júrgizilýde. Aqkól aýylyndaǵy sport alańshasynyń aǵymdaǵy jóndeý jumystaryna 4 mıllıon 230 myń teńge bólinip, kelisim shart jasaý jumystary júrgizilýde. Sondaı-aq, Bóltirik sheshen aýylyndaǵy sport alańshasynyń aǵymdaǵy jóndeý jumystaryna 3 mıllıon 500 myń teńge bólinip, konkýrstyq komısıanyń qaraýynda.

Sonymen qatar, aýdandyq aımaqtyq «Jol kartasy» ázirlenip 6 sport nysandarynyń qurylysy belgilendi. Olardyń qurylysy tolyǵymen demeýshiler esebinen qarjylandyrylady. Olar Qyzyláýit 2 nysan, Maıtóbe, Eseıhan, Tamdy, Úsharal aýyldarynda bir-bir nysan.

Elbasynyń «Rýhanı jańǵyrý» memlekettik baǵdarlamasynyń bir tarmaǵy Týǵan jerge tý tigýge baǵyttalǵany belgili. Al talastyq jomart júrek demeýshilerdiń aýyldarǵa sport nysandaryn salyp berip, eldiń eńsesin tiktep jatqany qýantady. Al sondaı kásipkerlerdiń tilin taýyp, tirligine aralastyryp otyrǵan jergilikti bıliktiń de jumysy maqtaýǵa turarlyq. Endeshe iske sát deımiz. Talastyqtardyń sportty janyna serik etken halyqtyń úles salmaǵy óse bergeı.