Qazaqstan halqy Assambleıasynyń «Qazaqtaný» ǵylymı-aǵartýshylyq jobasy aıasynda, Jambyl oblysynyń 80 – jyldyǵy jáne Qazaqstan halqy tilderi kúni merekesine oraı ózge etnos ókilderi jastary arasynda esse jazýdan baıqaý ótti, dep jazady Qamshy.kz aqparat agenttigi. Baıqaýdyń basty maqsaty memlekettik tildiń mańyzdylyǵyn sanaly túrde sezindire otyryp, qurmetteýge tárbıeleý, otansúıgishtik qasıetin arttyryp, elimizdiń básekege qabiletti jastar qataryna qosylýyna yqpal etý, jastardyń boıynda joǵary áleýmettik belsendilik pen shyǵarmashylyq áleýetin damytý bolyp tabylady.

«Jambylym-jer jannatym» atty úzdik esse baıqaýyna qatysýǵa oblystaǵy ár joǵary oqý oryndary jáne kolejderden 4-5 stýdentten qatysty. Olardyń ótinishteri aǵymdaǵy jyldyń qyrkúıek aıynyń 16 –shy juldyzyna deıin qabyldandy.

Baıqaýǵa qatysýshylarǵa qoıylar basty talap «Jambylym-jer jannatym» taqyrybynda 60 mınýt ishinde qazaq tilinde 250 sózden kem bolmaýy tıis jáne erejede kórsetilgen krıterıılerge saı esse jazyp shyǵýlary kerek bolatyn.

Esse jazýǵa saǵat tańerteńgi onda otyrǵan qatysýshylar talapqa saı 60 mınýt ishinde aıaqtap shyqty. Baıqaý nátejıesi daıyn bolǵansha stýdentter «Kóne Taraz» tarıhı-mádenı keshenin aralap, murajaı men Dostyq úıine saıahat jasady.

Baıqaý qortyndysy boıynsha Taraz memlkettik pedagogıkalyq ýnıversıtetinen Gazaeva Margarıta jáne Abaı atyndaǵy Jambyl gýmanıtarlyq kolejinen Dýrsýnova Ýlfedına İ oryndy ıelendi. İİ oryndy M.H. Dýlatı atyndaǵy Taraz memlekettik ýnıversıtetinen Gazaeva Salımat, №13 Taraz temirjol kolejinen Sarybaev Tımýr, «Parasat» kolejinen Iýldasheva Dıera jáne Taraz ınovasıalyq-gýmanıtarlyq ýnıversıtetinen Stolárova Karına qanjyǵalady. Al, İİİ oryn Jambyl joǵary medısınalyq kolejinen Amzova Nılúfar, №13 Taraz temirjol kolejinen Karakýlov Zafar, M.H. Dýlatı atyndaǵy Taraz memlekettik ýnıversıtetinen Hakımov Ýmıtjon, Jambyl polıtehnıkalyq joǵary kolejinen Telepko Rýslan, Shaı Kamılla jáne Abaı atyndaǵy Jambyl gýmanıtarlyq kolejinen Mırzaeva Elmıraǵa buıyrdy. Jeńimpazdar baǵaly syılyqtar men dıplomdarǵa ıe boldy. Qalǵan qatysýshylarǵa jappaı yntalandyrý syılyqtary jáne alǵys hattar tabystaldy.

Qatysýshylar jappaı estelik sýretterge túsýmen tarqasty.