«Jambyl sement óndiristik kompanıasy» jaýapkershiligi shekteýli seriktestigi respýblıkadaǵy sement óndirisi salasyndaǵy jetekshi kásiporyn sanalady. Jylyna 1,2 mıllıon tonna sementti óndirip, Qyrǵyzstan, Tájikstan memleketterine eksporttaıtyn óndiris oshaǵy óziniń óndiristik qýatyn eki esege deıin arttyrý múmkindigin qarastyrýda, dep jazady Qamshy.kz aqparat agenttigi. 

2010-2014 jyldar aralyǵyndaǵy Údemeli ındýstrıalyq-ınnovasıalyq damytýdyń memlekettik baǵdarlamasy aıasynda 2010 jyly iske qosylǵan kompanıa óziniń óndiristik qýatyn eseleýde ekinshi tehnologıalyq jelini iske qosýǵa ıek artyp otyr. Atalǵan jeliniń iske qosylýymen kompanıanyń óndiristik áleýeti eselenip qana qoımaı jańa jumys oryndarynyń ashylýyna múmkindik berilmek. Qazirdiń ózinde kásiporynda 240 adam jumys jasaıdy. Kompanıa tarapynan jumysshylarǵa óte qolaıly turmystyq jaǵdaılar jasalynǵan. Atap aıtqanda mundaǵy jumysshylar Balqash kóli jaǵasyndaǵy «Samal» dep atalatyn qalashyqta turady. Sondyqtan da olarǵa jumystan bos ýaqytta emin-erkin tynystaýdyń barlyq múmkindikteri qarastyrylǵan. Kompanıa jumysshylarynyń balalarynyń mektepke deıingi tárbıemen qamtý máselesi tolyqtaı sheshimin tapqan. Sondaı-aq olardyń mekteppen qamtý, medısınalyq qamtamasyz etý sekildi túıtkilder tolyǵymen sheshilgen. Mundaǵy shaǵyn market pen kitaphana, fıtnes men bılárd, kınozaldary men turmystyq qyzmet kórsetý ortalyqtary da óndiris oshaǵy qyzmetkerleriniń jumystan qoly qalt etkende emin-erkin demalýyna sol arqyly eńbek ónimdiligin arttyrýǵa jol ashady.

Kompanıa basshylyǵy óndiristik nysandardaǵy eńbek qaýipsizdigin de basty nazaryna alǵan. Sáıkesinshe eńbek qaýipsizdigi men eńbekti qorǵaý salasyndaǵy jumystar júıeli júrgizilip keledi. Ári qaýipti óndiristik jaǵdaılarda jańa tehnologıalardy qoldaný esebinen sońǵy úsh jyldyń ishinde «Jambyl sement óndiristik kompanıasy» jaýapkershiligi shekteýli seriktestiginiń óndristik nyandarynda birde-bir oqys oqıǵa tirkelmegen.

Jalpy sońǵy jyldary Jambyl óńirindegi kásiporyndardyń qýaty eselep artyp keledi. Ótken jyldyń qorytyndysy boıynsha respýblıkadaǵy hımıa ónerkásibi óniminiń 30 paıyzyn beretin oblysta óndiris kólemin 39,2 paıyzǵa arttyrǵan.