7-14 qazan aralyǵynda Stokgolmde 118-inshi Nobel aptalyǵy ótýde. 

Hımıa salasy boıynsha Nobel syılyǵyn amerıkandyq fızık Djon Gýdenaf, Brıtandyq hımık Stenlı Ýıttıngem jáne japondyq hımık Akıre Ioshıno lıtıı-ıon batareıalaryn damytqany ıelendi.

Lıtıı-ıon batareıalary zamanaýı elektrondy qurylǵylar, uıaly telefonnyń jumys isteýine járdem bolady. Ol 1970-1980 jyldary oılap tabylǵan.

Fızıka boıynsha Nobel syılyǵynyń laýreattary kanadalyq Djeıms Pıblz jáne Shveısarıa ókilderi Mıshel Maıor jáne Dıde Kelo atandy. Olar astronomıa salasyndaǵy zertteýlerimen kózge túsken.

Medısına jáne fızıologıa boıynsha Nobel syılyǵynyń laýreattary Brıtandyq ser Pıter Retklıf jáne amerıkandyq Ýılám Kelın-kishi jáne Gregg Semens atandy. Syılyq jasýshalardyń qorshaǵan ortadaǵy ottegi deńgeıiniń ózgerýine qalaı áser etetinin jáne beıimdeletindigin zerttegeni úshin berildi.

Ýılám Kelın-kishi Garvard medısına mektebiniń profesory, Ser Pıter Retklıff - Oksford ýnıversıtetiniń, al Gregg Semens - Djons Hopkıns ýnıversıtetiniń profesory.

Nobel syılyǵynyń bıylǵy júlde qory 9 mıllıon shved kronyn (900 myń dollar) quraıdy. Pıbls bul somanyń jartysyn, shveısarıalyq ǵalymdar jartysyn alady.

Medısına jáne fızıologıa boıynsha Nobeldi amerıkalyq ǵalymdar Ýılám Keılın men Gren Semensa jáne brıtanıalyq ser Pıter Redklıff aldy.

Al ádebıet salasy boıynsha Nobel ıegerleri 10 qazanda jarıalanady. Bıyl ádebıet boıynsha syılyq eki adamǵa tabystalady. Byltyr jynystyq bopsalaý daýynan keıin ádebıet salasy boıynsha Nobel syılyǵy berilmegen.

11 qazanda beıbitshilik salasy boıynsha, 14 qazanda ekonomıka boıynsha Nobel syılyǵynyń laýreattary jarıalanady.

Medısına salasy boıynsha Nobel syılyǵynyń ıegerin Stokgolmdegi Karolın ınstıtýty, ádebıet salasy boıynsha shved akademıasy, fızıka, hımıa jáne ekonomıka salasyndaǵy syılyqty Shvesıanyń ǵylym akademıasy anyqtaıdy.

Al syılyqty Norvegıanyń Oslo qalasyndaǵy Nobel komıteti tabystaıdy