Elbasy-Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev buǵan deıin qazaqstandyqtardyń 30 paıyzyn buqaralyq sportpen qamtý týraly meje qoıǵan bolatyn. Mańyzdy mindet óz ózektiligin joıǵan joq. Osy oraıda barlyq eldi mekenderde jańa sport alańdary boı kóterip, sheberlikti shyńdaýǵa baǵyttalǵan jarystardyń qatary artýda. Bul árıne, quptarlyq jaǵdaı. Memleket basshysy Qasym-Jomart Toqaev ta óziniń Qazaqstan halqyna Joldaýynda buqaralyq sportty damytýǵa, mádenıet salasyn ilgeriletýge, jastardyń jaı-kúıin jaqsartýǵa aıryqsha kóńil bóldi. Munyń bári de bir-birimen tyǵyz astasyp jatqan máseleler ekendigi belgili. Iaǵnı, Prezıdent Joldaýda erekshe qajettilikteri bar adamdar úshin birdeı múmkindik jasaý mindetin qoıdy.

Joldaýda sondaı-aq buqaralyq sportty damytý jónindegi keshendi jospar qabyldaý qajettigi aıtyldy. Búgingi kúni Jýaly aýdany boıynsha 112 sport nysanynyń barlyǵy turǵyndardyń dene shynyqtyrý jáne sportpen júıeli túrde shuǵyldanýy úshin qoljetimdi. Atalmysh sport nysandarynyń 25-i B.Momyshuly aýylynda bolsa, 87-si aýyldyq okrýgterde. Al aýdanda dene shynyqtyrý jáne sportpen júıeli túrde shuǵyldanýshylar qatary 15 547 adamǵa jýyqtaǵan. Bul belgilengen mejeniń 29,6 paıyzǵa jetkenin kórsetedi. Sonymen qatar atalmysh óńirde eriktiler qozǵalysyn damytýǵa da erekshe kóńil bólinýde.

-2020 jyldyń «Volonter jyly» dep jarıalanǵany belgili. Eriktiler qyzmetine azamattardyń, ásirese jastardyń, stýdentter men oqýshylardyń qatysý aıasyn keńeıtý, olardyń boıynda belsendi ómirlik ustanymdarǵa qatysty daǵdy qalyptastyrý – mańyzdy mindet.

Oblys ákimdiginiń aǵymdaǵy jyldyń 14 naýryzyndaǵy №52 qaýlysymen bekitilgen «Qamqor» volonterlik-qaıyrymdylyq jobasy aıasynda 100-ge jýyq erikti 10 114 otbasyn aralap, 2 361 otbasyna áleýmettik saýalnama toltyryp, muqtajdyqtary saralandy. Joba aıasynda aýdanda bir qaıyrymdylyq dúkeni ashyldy,-deıdi Jýaly aýdany ákimdigi ishki saıasat bóliminiń basshysy Marat Narynbetov.

Joldaýda Prezıdentimizdiń mádenıet salasyna erekshe toqtalýy tegin emes. Óıtkeni, Elbasy aıtqandaı, «Rýhy bıik halyq qana uly isterdi atqara alady». Onyń ústine rýhanı jańǵyrýǵa bet burǵan kezeńde bul salaǵa artylar jaýapkershilik te joǵary. Búginde Jýaly aýdany boıynsha mádenıet salasynda 229 qyzmetker jumys istese, olardyń ortasha aılyq jalaqysy 88 myń teńgeni quraıdy.

Osy oraıda aýdan ákimdigine qarasty mekemelerdiń jumysynyń tıimdiligin arttyrý maqsatynda aǵymdaǵy jyldyń 1 maýsymynan bastap tómen jalaqy alatyn bas mamandardyń aılyq jalaqysy 30 paıyzǵa, bólimshe basshylary men sektor meńgerýshileriniń aılyq jalaqysy 10 paıyzǵa ósken. Bul maqsatqa respýblıkalyq búdjet esebinen 31 067,0 myń teńge bólinipti.