Jambyl oblysy ákimi apparatynyń «Qoǵamdyq kelisim» mekemesiniń uıymdastyrýmen Sh.Ýálıhanov atyndaǵy oblystyq ǵylymı ámbebap kitaphanasynda «Kallıgrafıa jáne letterıng» taqyrybynda semınar ótti. Qazaq álipbıiniń latyn qaripindegi kórkem tańbalanýy talqylanǵan jıyn qazaq jáne orys tilderinde eki seksıada júrgizildi. Semınar jumysyna Taraz qalasyndaǵy jalpy bilim beretin mektepterdiń «Kórkem eńbek» pániniń muǵalimderi qatysty.

Latyn qaripindegi qazaq álipbıiniń kórkemdep tańbalanýyn arnaıy úıretýge baǵyttalǵan semınardyń basty maqsaty – otanshyldyq pen azamattyqqa tárbıeleý, sondaı-aq óskeleń urpaqtyń rýhanı-adamgershilik qundylyqtaryn, qazaqstandyq biregeıligin qalyptastyrý, latyn tilinde kórkemdep jazýdy muǵalimder men oqýshylar arasynda nasıhattaý, qazaq sózderiniń jańa grafıkalyq beınesin bekitý.

Semınar basy oblys ákimi apparatynyń «Qoǵamdyq kelisim» KMM kórme zalynyń meńgerýshisi Vera Maıkovıchtiń alǵy sózimen bastaldy. Vera Andreevnanyń aıtýynsha ustazdarǵa qazaq álipbıiniń latyn qaripinde kórkemdelip jazylýy arqyly bolashaq urpaqtyń sanasyna áripterdiń saýatty ári ásem jazylý úlgisin qalyptastyratyn kórinedi.

– Árbir azamattyń el bolashaǵy úshin jaýapkershiliginiń zor ekendigin durys túsinýdi nasıhattaý, básekege qabilettiliktiń mańyzdy baǵyttaryn aıqyndaý, pragmatızm, ulttyq biregeılikti saqtaý, sananyń ashyqtyǵy jáne memleket damýynyń evolúsıalyq joly bolyp tabylatyn jańa áleýmettik-mádenı ortany qalyptastyrý bizdiń negizigi mindetimiz bolyp sanalady. Búgingi tolqyn kelesi tolqynnyń zaman talabyna saı ósip-jetilýin qamtamasyz etýimiz qajet. Mine, sondyqtanda sizderdi jınap sabaq barysynda oqýshylardyń latyn qarpindegi qazaq álipbıiniń durys tańbalanýyn úıretse eken degen tilegimiz bar jáne jáı ǵana úıretpeı asa kórkemdik pen ásem jazylýyn boılaryna darytsa eken dep otyrmyz, – deıdi kórme zalynyń jetekshisi.

Semınardy qazaq tilinde «Mektepten tys jumys jáne balalar shyǵarmashylyǵy ortalyǵynyń» qosymsha bilim berýshi pedagogy Elmıra Begaıdarova júrgizse, orys tilinide №40 mektep-gımnazıanyń muǵalimi Dıana Shaıheslámova ótkizdi. Qos tilde ótken semınar barysynda ustazdar latyn qaripindegi qazaq sózderin erekshe kallıgrafıalyq pishinde jazýdy úırendi. Jazýlary ózgelerden erek jazylǵan ustazdar óz oı-pikirlerimen bólisip otyrdy.

Jıyn sońynda muǵalimderge sertıfıkattar tabystaldy.