QAZTEST júıesi – Qazaqstan Respýblıkasyndaǵy azamattardyń memlekettik tildi meńgerý deńgeıin baǵalaý júıesi. QAZTEST júıesi halyqaralyq tildik bilimdi baǵalaýdyń TOEFL, IELTS jáne taǵy da basqa júıeleriniń qaǵıdattaryna negizdelgen. QAZTEST júıesiniń qurylymy tórt bólikten turady: tyńdalym, leksıka-gramatıkalyq bólik, oqylym, jazylym.

Qazaqstan Respýblıkasy Bilim jáne ǵylym mınıstrligine qarasty «Ulttyq testileý ortalyǵy» respýblıkalyq memlekettik qazynalyq kásipornynyń uıymdastyrýymen oblys kóleminde «Qaztest» dıagnostıkalyq testileý ótti.

Test tapsyrý Jýaly aýdanynda №15 mektep-lıseı bazasynda uıymdastyryldy. Oǵan ártúrli saladan 140 memlekettik jáne búdjettik qyzmetshiler qatysty. Testileýdi «Ulttyq testileý ortalyǵy» respýblıkalyq memlekettik qazynalyq kásipornynyń testileýdi uıymdastyrý ǵylymı ádistemelik zerthanasynyń aǵa sarapshysy Nurbek Nurymbetov ashyp, qatysýshylarǵa test talaptaryn túsindirdi.

– Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Joldaýynda: «Qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi dep esepteımin.

Biraq mundaı dárejege jetý úshin bárimiz dańǵaza jasamaı, jumyla jumys júrgizýimiz kerek» – degen bolatyn Prezıdentimizdiń tapsyrmasyna oraı QAZTEST barlyq salaǵa qarqyndy engizilip, barlyq oblystarda tapsyrylýda.

QAZTEST eki baǵyttan turady: birinshisi- dıagnostıkalyq; ekinshisi – sertıfıkattyq testileý. Búgin sizdermen ótkeli otyrǵan dıagnostıkalyq testileý úsh bólikten turady. Iaǵnı, tyńdalym, leksıka-gramatıkalyq jáne oqylym. Jalpy, 150 test suraqtary bar. Ony oryndaýǵa 150 mınýt berilgen.

Nátıje bes deńgeıden turady: A1 – qarapaıym deńgeı 31-64 bal aralyǵy; A2 – bazalyq deńgeı 65-104 bal aralyǵy; V1 – orta deńgeı 105-119 bal aralyǵy; V2 – ortadan joǵary deńgeı 120-134 bal aralyǵy; S1joǵary deńgeı 135-150 bal aralyǵy.

Qorytyndysy testilenýshiler nátıjesi kórsetilgen tizimdeme jáne anyqtama bolyp tabylady. Test paraqshalary Nur-Sultan qalasynda óńdelip, 15 jumys kúni ishinde nátıjeleri joldanady, – dedi Nurbek Batyrhanuly.

Testti júrgizýge oblys ákimdigi tilderdi damytý basqarmasynyń «Tilderdi oqytý ortalyǵynyń» mamandary Hafıza Ahmetova men Shynar Baqytbekqyzy jáne aýdandyq tilderdi oqytý ortalyǵynyń qyzmetkerleri atsalysty.