Batys Qazaqstan  oblysy máslıhatynyń depýtaty Amangeldi Taspıhov óziniń qatysýymen bolǵan kólik apatynda rólde kim otyrǵanyn suraǵan fototilshini  tildegeni túsirilgen vıdeo jurttyń jaǵasyn ustatty.

Bul týraly «Qamshy» portaly «Moı Gorod-qa» silteme jasaı otyryp habarlaıdy.

Eske salsaq, 26 shilde kúni, shamamen kúndizgi saǵat 16:00 shamasynda  Mánshúk Mámetova atyndaǵy alańda kólikti basqara almaǵan júrgizýshi jaıaý júrginshilerdi basyp ketýge shaq qalǵan bolatyn. Bolǵan jaıttyń kýágerleri rólde Amangeldi Taspıhov otyrǵanyn aıtqan.

Keıin fototilshige balaǵat sózdermen jaýap qatqan azamat oblys máslıhatynyń depýtaty ekeni anyqtaldy.

“MG” fototilshisiniń depýtatqa: “Jigitter rólde siz otyrdy dep jatyr” degen sózine shendi azamat: “Joq, men emes, ket bul jerden!” dep qana qoımaı, tilshini boqaýyz sózben tildegen.

Búgin de depýtat tilshilerge qoly bos emes ekenin alǵa tartyp, qandaı da bir túsinikteme berýden bas tartty. “MG” fototilshisi ózine til tıgizgen depýtattyń ústinen quqyq qorǵaýshylarǵa aryz túsirdi.

Nurzat Toǵjan