Aqtóbe oblysynda ótken demalys kúnderi qarttar men múgedekterge arnalǵan ınternat úıinde órt bolyp, sonyń saldarynan onda turatyn 85 jastaǵy áıel asa aýyr jaǵdaıda aýrýhanaǵa jetkizildi. Bul týraly «Qamshy» QazAqparatqa silteme jasaıdy.

Oblystyq TJD-niń baspasóz qyzmetinen habarlaǵandaı, bólmelerdiń birinde kereýetter órtene bastaǵan. Oqıǵa ornyna 6 tehnıka birligi men jeke quramnyń 27 adamy jiberildi. Alaıda ınternattyń qyzmetkerleri jalyndy órt sóndirýshiler kelip jetkenshe ózderi sóndire aldy.

Jedel medısınalyq kómek aýrýhanasy bas dárigeriniń orynbasary Hıhmetolla Kárimov zardap shekken áıeldiń terisiniń 70 paıyzyn kúıik shalǵanyn habarlady.

«Naýqas jalpy jansaqtaý bóliminde jatyr. Onyń jaǵdaıy óte aýyr, qoldanyp otyrǵan sharalarǵa qaramastan, jaǵdaıy kún saıyn nasharlap barady», - dedi dáriger.

Polısıa órttiń shyǵý sebepterin anyqtap jatyr.

Nurzat Toǵjan