Jaqynda Mańǵystaý oblysynda tórtinshi munaı óńdeý zaýyty salynatyn bolady. Bul týraly brıfıńte oblys ákiminiń orynbasary Rahymbek Ámirjanov málimdedi dep habarlaıdy «Qamshy» portaly «Ladaǵa» silteme jasaı otyryp.

Ámirjanovtyń aıtýynsha munaı óńdeý zaýyty qurylysy Iran Respýblıkasymen birlesip otyryp júrgiziledi.

«Qazirgi tańda Aqtaý porty arqyly 5 mıllıon tonnaǵa jýyq shıki munaı Iranǵa jóneltilýde. Oblystyq ákimshilik qazir Iran tarabymen kelissózder júrgizýde. Oblysta tórtinshi munaı óńdeý zaýytynyń qurylysyna qatysty máseleler talqylanýda. Biz saraptama júrgizip kórdik. Iran taraby da bizdi qoldap otyr. Kezindegi Qazaqstan men Iran arasyndaǵy birlesken jobalar óz nátıjelerin berýde.  Endi biz birlesken munaı óńdeý zaýytyn salý týraly usynys jasadyq. Ol árıne, Mańǵystaý oblysynda salynady. Mańǵystaýdaǵy munaı ónimderi Irannyń soltústik portyna, al shıkizat ońtústik portqa jóneltiletin bolady. Biz qazirdiń ózinde Irannyń Munaı mınıstrimen birqatar kelissózder ótkizdik. Iran taraby da bul jobaǵa qyzyǵýshylyq tanytyp otyr»,-deıdi ákim orynbasary Ámirjanov.

Sonymen qatar, ákim orynbasary bul zaýytqa eki jaq birdeı qarjy bóletinin jáne jaqyn aralyqta zaýyttyń tehnıkalyq-ekonomıkalyq jobalary daıyn bolatynyn aıtqan. Orynbasar myrzanyń sózine sensek,  jyl aıaǵyna qaraı, zaýyt qurylysyn basataý týraly sheshimge qol qoıylatyn bolady. Joba qurylysynyń mınımaldy shyǵyny 6 mıllıard dollardy quraıdy.

Qazirgi tańda Qazaqstanda mundaı munaı óńdeý zaýyttary – Pavlodar, Atyraý jáne OQO-da bar. Alaıda olar ishki naryqty qamtamasyz etýge qaýqarsyz.