ALMATY. Qamshy portaly - Búgin Mańǵystaý oblysynyń ákimi Alık Aıdarbaevtyń ókimimen Aqtaý, Jańaózen qalalarynyń jáne Munaıly aýdanynyń jańa ákimderi taǵaıyndaldy. Bul týraly oblys ákimdiginiń baspasóz qyzmetinen habarlady. 

Naqtyraq aıtqanda, Qazaqstan Respýblıkasy Ákimshilik Prezıdenti men Aqtaý qalalyq máslıhat depýtattarynyń kelisimine jáne Mańǵystaý oblysynyń ákimi Alık Aıdarbaevtyń ókimine sáıkes Aqtaý qalasynyń ákimi bolyp Trumov Serikbaı Ótelgenuly taǵaıyndaldy. 

Trumov Serikbaı Ótelgenuly 1964 jyly 3 maýsym kúni týylǵan. 
Joǵary bilimdi. 1992 jyly V.I. Lenın atyndaǵy Qazaq polıtehnıkalyq ınstıtýtyn ınjener-qurylys mamandyǵy boıynsha aıaqtaǵan.
Jergilikti atqarýshy organdaryndaǵy jumys tájirıbesi mol. 
Sońǵy úsh jylda Mańǵystaý oblysy Jańaózen qalasynyń ákimi qyzmetinde boldy.

***

Qazaqstan Respýblıkasy Ákimshilik Prezıdenti men Jańaózen qalalyq máslıhat depýtattarynyń kelisimine jáne Mańǵystaý oblysynyń ákimi Alık Aıdarbaevtyń ókimine sáıkes Jańaózen qalasynyń ákimi bolyp Ábilov Elýbaı Jaqaıuly taǵaıyndaldy. 
Ábilov Elýbaı Jaqaıuly 1962 jyldyń 19 tamyzy kúni dúnıege kelgen. 
Joǵary bilimdi. 1985 jyly M.I. Kalının atyndaǵy Túrkmen aýylsharýashylyq ınstıtýtyn jemis-kókónis pen júzim ósirý mamandyǵy boıynsha aıaqtaǵan. 
Jergilikti atqarýshy organdaryndaǵy jumys tájirıbesi mol. 
Sońǵy qyzmeti - Munaıly aýdanynyń ákimi.

***

Qazaqstan Respýblıkasy Ákimshilik Prezıdenti men Munaıly aýdandyq máslıhat depýtattarynyń kelisimine jáne Mańǵystaý oblysynyń ákimi Alık Aıdarbaevtyń ókimine sáıkes Munaıly aýdanynyń ákimi bolyp Tájibaev Nurlan Tólegenuly taǵaıyndaldy. 
Jergilikti atqarýshy organdaryndaǵy jumys tájirıbesi mol. 
Sońǵy qyzmeti - Munaıly aýdany ákiminiń orynbasary.