Aǵymdaǵy jyldyń 9 maýsym kúni Mańǵystaý aýdanynyń Jyńǵyldy jáne Ushtaǵan aýyldarynda jańa dárigerlik ambýlatorıalardyń ashylý saltanattary ótti.

Jyńǵyldy aýylynan boı kótergen jańa nysannyń qurylysyna 174 mln.teńge bólingen. Atalmysh dárigerlik ambýlatorıanyń qurylysy ótken jyldyń qyrkúıek aıynda bastalǵan bolatyn.

- «Salamatty Qazaqstan» memlekettik baǵdarlamasynyń aıasynda oblysymyzdyń kóptegen eldi mekenderinde qazirgi zamannyń talabyna saı aýrýhanalar salynýda. Sońǵy eki jyldyń ishinde Mańǵystaý aýdanynyń ózinde 7 selolyq dárigerlik ambýlatorıa salynyp, turǵyndardyń ıgiligine berildi. Búgin de turǵyndarǵa joǵary sapaly jáne ýaqytyly em alýǵa múmkindik beretin, qajetti medısınalyq jabdyqtarmen qamtylǵan jańa dárigerlik ambýlatorıanyń ashylý saltanatynyń kýási bolyp otyrsyzdar», - dedi Mańǵystaý oblysynyń ákimi Alık Aıdarbaev.

Ótken oqý jylynda Jyńǵyldy aýylynda 200 oryndyqty mektep ınternat ashylǵan bolatyn. Oblys kólemindegi aýylishilik asfált joldary osy aýyldan bastalǵan. Jańa balabaqshanyń qurylysyna bıyl 270 mıllıon teńge bólingen. Qystyń qıyn kezeńinde kezdesetin gaz máselesin sheshýge baılanysty «QazTransGazAımaq» AQ mekemesiniń ınvestısıalyq jobasyna saı 420 mln. teńge bolatyn «Taýshyq-Jyńǵyldy» gaz qubyryn tartý jumystary da bastalǵan.

Dál osy kúni Mańǵystaý aýdanynyń Ushtaǵan aýylynda da jańa dárigerlik ambýlatorıa ashyldy. Qurylystyń jalpy quny – 126 mln. teńgeni quraıdy. Jumys sapary barysynda óńir basshysy Alık Aıdarbaev «Shetpe-Qyzan» tasjolynyń qurylysymen tanysty.

Sonymen birge osy kúni Shaıyr aýylynda aýyl aqsaqaldaryna arnalǵan ardagerler úıiniń ashylý saltanaty ótti. Qurylystyń salynýyna 3,8 mln. teńge bólingen. 

Ótken jyly aýylda «Jyńǵyldy-SHaıyr» tasjoly jáne jańa balabaqsha, jańa emhana paıdalanýǵa berilgen.Aýyl aqsaqaldarynyń suranysy boıynsha quny 216 mln. teńge bolatyn uzyndyǵy 5 km asfált jol qurylysy bastalǵan. «Shaıyr-Jyńǵyldy» jolyn asfálttaý úshin jobalyq smetalyq qujattar jasaqtalýda. Shaıyr aýylyna qarasty Tegen eldi mekenine baratyn jolǵa 100 mln. teńge qarjy bólingen.

Mańǵystaý oblysy ákiminiń baspasóz qyzmeti.