Jańaózen qalasyn damytý úshin áleýmettik-ekonomıkalyq damýdyń keshendi josparyn jáne monoqalalardy damytý baǵdarlamasyn iske asyrýǵa aǵymdaǵy jyly 7 mlrd teńge bólindi. Bul týraly búgin Mańǵystaý oblysy ákiminiń orynbasary Sholpan İlmuhanbetova habarlady.

«Jańaózen qalasynda árqaısysy 320 oryndyq 4 balabaqsha, medısına ortalyǵy, shaǵyn aýdanishilik joldar salynyp, elektr, sý jelilerin jóndeý jumystary júrgizilýde. Shaǵyn JEO aýystyra otyryp, ortalyq qazandyq jóndelip, keńeıtilýde. Táýligine 30 myń tekshe metr sý tazalaıtyn aýyzsý qurylǵysyn salý jumystary jasalýda», - dedi ol.

«Bıznestiń jol kartasy-2020» aıasynda shaǵyn kásipkerlikti memlekettik qoldaý turǵysynan alǵanda, Jańaózen qalasynyń kásipkerleriniń jobalary oblys maquldaǵan jobalardyń jartysynan kóbin quraıdy.

«Osy jyly birinshi jartyjyldyqta oblys ortalyǵynyń jobalary 40 paıyzdy quraıdy, qalǵany Jańaózen men aýyl bıznesmenderiniń jobalary», - dep atap ótti kásipkerlik, saýda basqarmasynyń basshysy Venera Mustapova.

Budan basqa, respýblıkalyq ta, jergilikti búdjet esebinen de halyqtyń ózin-ózi jumyspen qamtýyn nesıelendirý qolǵa alynǵan. Aýyldyq aýmaqtardy damytý máselesi de sheshilýde.