Aqtaý qalasynyń №2 soty azamat B-niń "Jalǵyztóbemunaı" EJSHS-ne eńbek shartty buzý týraly buıryǵyn zańsyz dep taný týraly, shıpajaılyq-kýrorttyq emdeý aqysyn tóleýdi mindetteý týraly talap aryzy boıynsha azamattyq is qarady.

Talapker óz aryzynda jaýapkerde gaz elektr dánekerleýshi retinde vahta ádisimen jumys jasap júrip, óndiristik jaraqat alǵandyǵyn kórsetken. Óndiristegi jazymdy oqıǵa týraly aktke jáne jazymdy oqıǵany arnaıy tergeý aktine sáıkes, jazymdy oqıǵanyń sebebi jumys óndirýdi durys uıymdastyrmaý bolyp anyqtalyp, jumys berýshiniń kinási 100% dep belgilengen. Jalpy jumysqa jaramdylyqty joǵaltý deńgeıi týraly anyqtamaǵa sáıkes, talapkerge múgedektiliktiń ekinshi toby taǵaıyndalǵan. Jaýapker onymen eńbek shartyn Qazaqstan Respýblıkasy Eńbek kodeksiniń 223 baby 2 tarmaǵynyń (múgedekter eńbegin aýyr jumystarda, zıandy (erekshe zıandy), qaýipti eńbek jaǵdaılary bar jumystarda paıdalanýǵa tyıym salynady) talaptaryna súıene otyryp, Eńbek kodeksiniń 54 baby 1 tarmaǵy 4 tarmaqshasy negizinde buzǵan.

Sonymen qatar, "Qazaqstan Respýblıkasynda múgedekterdi áleýmettik qorǵaý týraly" QR Zańynyń 34-babyna sáıkes, jumys berýshiniń kinásinen jumysta mertigýge ushyraǵan jáne (nemese) kásiptik aýrýǵa shaldyqqan múgedekterdi jumysqa ornalastyrý úshin jumys berýshi kásiptik oqytýdy nemese qaıta oqytýdy, arnaýly jumys oryndaryn qurýdy osy Zańǵa sáıkes jeke qarajaty esebinen qamtamasyz etetindigin jaýapker eskermedi.

Sot jumys berýshiniń kinásinen jumysshy B. ekinshi toptaǵy múgedek bolǵany anyqtalyp, sondyqtan jaýapker talapkermen eńbek shartyn buzbaı, ony oqytyp, ol úshin jumys ornyn ashýǵa mindettelgen.

"Qazaqstan Respýblıkasynda múgedekterdi áleýmettik qorǵaý týraly" QR Zańynyń 20 baby 4 tarmaǵyna sáıkes, jumys berýshiniń kinásinen jumysta mertigýge ushyraǵan nemese kásiptik aýrýǵa shaldyqqan múgedekke shıpajaılyq-kýrorttyq emdelýge joldama Qazaqstan Respýblıkasynyń zańnamasyna sáıkes jumys berýshiniń esebinen berilgen.

Sóıtip, jumys berýshi          eńbek jaraqatyn alǵan jumysshyǵa shıpajaılyq-kýrorttyq emdelýdiń shyǵyndaryn tóleýge mindetti.

Sot B-niń talap aryzyn tolyq qanaǵattandyrý týraly sheshim shyǵarǵan.

Sheshim zańdy kúshine endi.

Qaınar: 

Aqtaý qalasy №2 sotynyń baspasóz qyzmeti