Mańǵystaý  oblysynda 14.07.2015j. kúni QR BǴM  Bilim  jáne ǵylym salasyndaǵy baqylaý  komıtetiniń  tóraǵasynyń orynbasary  Áltaıyr Ahmetov  Memleket  basshysy  N.Á. Nazarbaevtyń  bes  ınstıtýsıonaldyq  reformasy  «100 naqty  qadam» Ult  josparynyń júzege  asyrylýyn  túsindirý maqsatynda oblystyq daryndy  balalarǵa arnalǵan  oblystyq mektep – ınternatynyń bazasynda bilim berý uıymdarynyń  qyzmetkerlerimen  kezdesý uıymdastyryp, salaǵa qatysty Ult josparynyń 76,77,78,79 tarmaqtary týraly naqty túsinik berdi. Sonymen qatar pedagogtarmen pikirlesip, usynystaryn tyńdap, qoıylǵan suraqtarǵa jaýap berdi.Kezdesýge  oblystyń bilim berý uıymdarynan  150 adam qatysty.

Bilim berý uıymdarynda 12 jyldyq bilim berýdi  kezeń- kezeńimen  engizý, osy oraıda respýblıkada 30 pılottyq mektepte orta bilim mazmunyn jańartý eksperımentke qatysatyn pedagogtardyń eńbekaqysyn qosymsha qajetti qarajat bólýdi qarastyrý, materıaldyq-tehnıkalyq bazasyn jaqsartý jumystaryn jalǵastyrý týraly jumystar uıymdastyrýdy naqtylady.

        Fýnksıalyq saýattylyqty  damytý  úshin  mekteptegi  oqytý  standarttaryn jańartý, muǵalimderdi  biliktilik kýrstardan  ótkizý, oqýshylardyń  logıkalyq  oılaý  qabiletin  damytý  baǵytynda  jumystar  júrgizý tapsyryldy.Sonymen qatar joǵary  synyptarda  janbasylyq  qarjylandyrýdy engizý, tabysty  mektepterdi yntalandyrý  júıesin  qura otyryp, basqarýshylyq derbestigin, bilim berý uıymdary  qyzmetin ózi  baǵalaýdy júzege asyrýdy, joǵary synyptarda sabaqty aǵylshyn tilinde júrgizýge kóshý týraly jumystar uıymdastyrý kerektigi týraly aıtyp ótti.

          Memlekettik - jekemenshik seriktestik arqyly mektepke bilim berý uıymdarynyń  jelisin  damytý baǵytynda  keńinen toqtalyp ótti.

          Sonymen  qatar  Aqtaý qalasyndaǵy  «№ 4 mektepke deıingi  bilim berý uıymy»  men  «Otbasylyq úlgidegi  balalar aýylynyń»  jaǵdaıymen  tanysty.