Ońtústik Qazaqstan oblysy Balalar quqyqtaryn qorǵaý jónindegi basqarmasynyń uıymdastyrýymen balalarymyz ben jas jetkinshekterimizge otbasy jylýlyǵy men januıa mahabbatyn syılaý,   júrekterin ımandylyqqa, meıirimdilikke sýsyndatý, patrıottyq sanasy men ómirge degen kózqarasyn ońtaılandyrý  úshin jetim jáne ata-anasynyń qamqorlyǵynsyz qalǵan balalardy qorǵanshylyq, qamqorshylyqqa alǵan azamattardy barynsha aýqymdy qoldaý,  otbasy qundylyqtaryn qalyptastyrý, otbasy jáne januıa beınesin nasıhattaý maqsatynda Respýblıkalyq «Qamqorshylar kúnine» oraı «Meıirimdi jandarǵa myń alǵys» atty oblystyq merekelik, saltanatty  is-shara ótkizildi. Bul týraly «Qamshy» portaly blog.edu.gov.kz saıtyna silteme jasaı otyryp habarlaıdy.

İs-sharaǵa Ońtústik Qazaqstan oblysy ákiminiń orynbasary S. Qanybekov, oblystyq maslıhat depýtattary,  aýdandyq, qalalyq bilim bóliminiń qyzmetkerleri, jetim jáne ata-anasynyń qamqorlyǵynsyz qalǵan balalarǵa arnalǵan bilim berý mekemeleriniń, jasóspirimder úıiniń, kámeletke tolmaǵandardy beıimdeý ortalyǵynyń, bóbekter úıiniń basshylary, aýdan, qaladan kelgen qorǵanshy, qamqorshylar, úkimettik emes uıym qyzmetkerleri, demeýshiler,  buqaralyq aqparat quraldary ókilderi, Shymkent qalasynyń jalpy bilim beretin mektep dırektorlarynyń tárbıe isi jónindegi orynbasarlary, Shymkent qalasynyń jalpy bilim beretin mektepterdiń áleýmettik-pedagogtary men  balalar úıiniń tárbıelenýshileri (jalpy 200 qatysýshy) qatysty.

Merekelik zal  sharlarmen, naqyl sózdermen bezendirilip,  Shymkent qalalyq balalar óner mektebiniń oqýshylary, Halyqaralyq baıqaýlardyń birneshe ret laýreaty «Jas dáýren» horeografıalyq ansambiliniń oryndaýyndaǵy «Súıinshi» bıimen bastaý aldy. 

Ońtústik Qazaqstan oblysy ákiminiń orynbasary Qanybekov Sáken Ásembekuly  merekelik kezdesýge qatysýshy aýdan, qalalardan kelgen 10 meıirimdi jandy izgi tilekterimen, júrek jardy lebizderimen quttyqtap, oblys ákimdiginiń  alǵys hattarymen jáne  «PetroQazaqstan–OılProdakts»JSHS-iniń demeýshiligimen 200 000 (eki júz myń) teńgelik syılyqtarmen marapattady. 

Sonymen qatar, Ońtústik Qazaqstan oblysy  Balalar quqyqtaryn qorǵaý jónindegi basqarma basshysy Júsipova Ǵalıa Júsipbekqyzy  ıgi bastama jolyn ózine paryz tutqan meıirimdi jandarymyz ben osy salada jemisti eńbek etip júrgen aýdandyq, qalalyq bilim bólimderiniń qyzmetkerlerin alǵys hatpen marapattady.

Merekege qatysýshy qonaqtar men demeýshiler, qorǵanshy, qamqorshylar men balalar úıleriniń tárbıelenýshileri de óz tilekterin, júrek jardy lebizderin bildirdi. 

İs-sharada Halyqaralyq jáne Respýblıkalyq baıqaýlardyń laýreattary óner kórsetip, qatysýshylarǵa merekelik kóńil-kúı syılady. Sondaı-aq túrli beıne rolıkter kórsetilip, QR Bilim jáne ǵylym mınıstrliginiń  uıymdastyrýymen Qazaqstan aýmaǵyndaǵy  www.usinovite.kz saıty týraly keńinen tanystyryldy.

Merekelik is-shara jergilikti telearnalar men baspasóz betteri arqyly oblys jurtshylyǵyna tanystyryldy. 

Ońtústik Qazaqstan oblysy

 Balalar quqyqtaryn qorǵaý  jónindegi basqarmasy