Ońtústik Qazaqstan oblysynda bıyl jetim jáne ata-anasynyń qamqorlyǵynsyz qalǵan 200 bala mektep bitirdi. Olardyń ishinde joǵary oqý oryndarynda oqýǵa nıet bildirgen 147 túlektiń 106-sy Ulttyq biryńǵaı testileý nátıjesi boıynsha 50-den joǵary bal jınaǵan.  89 túlek oblystaǵy joǵary oqý oryndaryna, 91-i osyndaǵy kolejderde, 20-y respýblıkanyń basqa óńirlerinde bilim alýǵa nıet bildirgen eken.  Oblys ákimdigimen memorandýmǵa qol qoıǵan óńirdegi joǵary oqý oryndarynyń basshylary jetim jáne ata-anasynyń qamqorlyǵynsyz qalǵan balalarǵa qaıyrymdylyq kómek retinde aqysyz oqytý týraly sheshim qabyldady. Búgin sol balalar joǵary oqý oryndaryna joldama aldy. Olarǵa qurbylarynan qalmaı, joǵary bilim alýǵa múmkindik jasaldy.

Araılym Qadyrbek, mektep bitirýshi 

-Men óte qýanyshtymyn. Óıtkeni bul joldama tek joǵary oqý ornyna túsýge berilgen joldama ǵana emes, ómirde ózimniń armanymdy oryndaýǵa berilgen joldama dep oılaımyn.

 Erlan Aıtahanov, OQO ákiminiń orynbasary 

-Bizdiń jastarymyzdiń keleshegi zor, tájirıbeli maman bolýy úshin olar tereń bilim alýy kerek. Bul bizdiń elimizdiń ary qaraı damýyna úles qosý úshin kerek.

Derekkózi: Habar arnasy