OQO Balalardyń quqyqtaryn qorǵaý departamenti «Ata-analardyń quqyqtyq saýattylyǵy – balalardyń quqyqtaryn qorǵaýdyń kepili» atty taqyrypta semınar – keńes ótkizgen.
Semınarǵa OQO Densaýlyq saqtaý basqarmasy, OQO bilim basqarmasy, oblystyq ata-analar komıtetiniń tóraǵasy, OQO İshki saıasat basqarmasy, Shymkent qalalyq İshki ister basqarmasy, OQO Ádilet departamenti, OQO dinı ister departamenti, oblys boıynsha aýdan, qala ata-analar komıtetiniń tóraǵalary, Shymkent qalasy mektepteriniń ata-analar komıtetiniń tóraǵalary, ÚEU-ń jáne BAQ ókilderi qatysty. Jalpy semınarǵa qatysqandar sany 182.
Semınardyń maqsaty – ata-analar men balalardyń quqyqtyq mádenıetin kóterý, olardyń quqyqtaryn qorǵaý jáne bilim salasy máselelerinen habardar bolýyna áser etý. Sonymen qatar, semınar jumysynyń kún tártibinde balalarǵa qatysty zorlyq-zombylyq jáne qatygezdiktiń aldyn alý (bilim berý uıymdarynda, otbasynda jáne qoǵamda) jónindegi ata-analar men pedagogtardyń bala quqyqtary men mindetterine qatysty máselelerin talqylaý.
Semınar – keńes barysynda OQO Balalardyń quqyqtaryn qorǵaý departamentiniń dırektory Júsipova Ǵ.J óz baıandamasyn Elbasymyz N.Á.Nazarbaevtyń 2012 jylǵy Qazaqstan halqyna Joldaýynan bastady. Sonymen qatar 2011 jyly 25 tamyz kúni Astana qalasynda ótken «Otbasy, mektep, qoǵam – ıgilikti bolashaq úshin birge!» atty İ Respýblıkalyq pedagogıkalyq forýmynda QR Bilim jáne ǵylym mınıstri B.T.Jumaǵulovtyń: «Únemi nazarda ustaýdy talap etetin másele, bul otbasynyń bala tárbıesindegi rólin arttyrý. Bilim berýge ata-analardyń qatysýy mektep ómirine belsendi qatysý ǵana emes, olardyń mindeti – balalardy otbasynda durys tárbıeleý» - degen sózderin nazarǵa ala otyryp, ári qaraı semınardyń qatysýshylarymen qoǵam aldynda turǵan kúrdeli máselelerdiń biri kámeletke tolmaǵan jasóspirimder arasyndaǵy quqyq buzýshylyqtyń negizgi sebep-saldaryn anyqtaý, onyń aldyn-alý jáne boldyrmaý joldaryn qarastyrý, sonymen qatar bilim berý mekemelerinde tárbıe jumystaryn bir júıege keltirý, ata-analarmen baılanysty jaqsartý máseleleri qozǵaldy.
Shymkent qalalyq İshki ister basqarmasy Eńbekshi polısıa bóliminiń KTJB bastyǵy, polısıa maıory Myqtybekov Saken Sámenuly, oblystyq ata-analar komıtetiniń tóraǵasy Ánýárbek Beıse, OQO İshki saıasat basqarmasynyń psıhology Ótelova Naǵıma Sydyqqyzy,
OQO Densaýlyq saqtaý basqarmasy Áshimova Nazıra Orynbasarqyzy, «Sana sezim» QQ zańgeri Enıkeeva Elına Radıkovna, OQO dinı ister departamentiniń mamany Aıdarbekova Fatıma Sarbaıqyzy jáne Shymkent qalalyq AHAT bóliminiń bastyǵy Ashımova Baıan Kalhojaevna óz sózderinde otbasylyq qundylyqtardy arttyrý, oblysymyzdaǵy bilim berý mekemelerinde bala tárbıesinde kezdesetin qıynshylyqtardy sheshý jáne onyń aldyn-alý, balalardyń bos ýaqytyn tıimdi ári paıdaly istermen shuǵyldanýyna, tárbıe berýde ozyq tájirıbe men izgi qasıetterdi jas urpaqtyń boıyna sińirýine, balanyń qorshaǵan ortadaǵy qarym-qatynasyna, ómirge degen kózqarasyna jáne soǵan saı minez-qulqyn qalyptastyrýyna ata-ananyń jaýapkershiligin arttyrý máselelerine keńinen toqtalyp ótti.
Semınar-keńestiń jumysyn OQO Balalardyń quqyqtaryn qorǵaý departamentiniń dırektory Ǵ.Júsipova qorytyndylady. Departament tarapynan ata-analarǵa quqyqtyq keńes beriletin býkletter taratyldy.
Semınar sońynda usynymdar qabyldanyp, bilim berý uıymdaryna joldandy.
Derekkózi: OQO Balalardyń quqyqtaryn qorǵaý departamenti
