Bul týraly qoǵamdyq komýnıkasıa ortalyǵynda ótken brıfıńte Mańǵystaý oblystyq ishki saıasat basqarmasy basshysynyń orynbasary Nurtas Salı málimdedi.

Túrkistan oblysy Maqtaaral aýdanynda oryn alǵan tótenshe jaǵdaıǵa baılanysty zardap shekken turǵyndarǵa kómek kórsetip, qoldaý bildirý maqsatynda Mańǵystaý oblysynda gýmanıtarlyq kómek jınaý pýnkttary uıymdastyryldy.

Pýnkttarda júk jınaý jumystary 4 – 9 mamyr aralyǵynda qalalar men aýdandardaǵy jastar resýrstyq ortalyqtarynyń bazasynda jáne iri azyq-túlik dúkenderi men bazarlardyń aldynda júrgizildi.

Gýmanıtarlyq júktiń ishinde uzaq saqtalatyn azyq-túlikter, kıim-keshekter men tósek-jabdyqtar, dári-dármekter jáne gıgıenalyq quraldar qamtyldy.

Alǵashqy gýmanıtarlyq kómek 7 mamyr kúni Jańaózen qalasynan jóneltildi. 7 gazel avtokólikterimen jalpylaı eseptegende 7,5 tonnaǵa jýyq gýmanıtarlyq júk jiberildi.

Ekinshi gýmanıtarlyq kómek 9 mamyr kúni Aqtaý qalasynan jáne Beıneý, Munaıly, Qaraqıa aýdanynan jiberildi. 2 fýra jáne 14 gazel avtokólikterimen jalpylaı eseptegende 70 tonnaǵa jýyq gýmanıtarlyq júk maqtaaraldyqtarǵa jóneltildi.

-«Jalpylaı alǵanda, osy aralyqta 77,5 tonnaǵa jýyq gýmanıtarlyq júk Mańǵystaý jurtshylyǵy atynan Túrkistandyqtarǵa jetkizildi», - deıdi Nurtas Salı.

Búgingi kúni Túrkistan oblysynda arnaıy júk jınaý qoımalary uıymdastyrylyp, turǵyndarǵa taratý jumystary júrgizilýde