"Memleket basshysy Kım Chen Ynnyń tóraǵalyǵymen ótken áskerı kezdesý barysynda ıadrolyq qarý týraly jańa saıasat talqylandy" dep habarlady Soltústik Koreıanyń memlekettik aqparat quraldary jeksenbide. Bul týraly Qamshy tilshisi AFP-ǵa silteme jasap habarlaıdy.

Kım Chen Yn úsh aptadan astam ýaqyt ishinde birinshi ret kópshilik aldynda sóılegen. KCNA aqparat agenttiginiń málimetinshe, Soltústik Koreıa ortalyq áskerı komısıanyń otyrysynda «bul – eldiń ıadrolyq soǵysqa tótep berýin odan ári arttyrýǵa arnalǵan jańa saıasat» dep habarlanǵan.

Áskerı kezdesýde Koreı Halyq Armıasynyń artılerıalyq bólimderiniń oq atý qabiletin edáýir arttyrý úshin mańyzdy sharalar qabyldanǵany jarıalanǵan. Sondaı-aq, «eldiń qarýly kúshterin qurý jáne damytý» baǵytyna sáıkes «strategıalyq qarýly kúshterdi joǵary daıyndyq deńgeıine qoıý» máselesi talqylanǵanyn jazdy AFP. 

Aıta keteıik, birneshe kún buryn Tramp ákimshiligi ondaǵan jyldardan bergi alǵashqy ıadrolyq synaqty ótkizý máselesin talqylaǵan bolatyn.