Eýrazıalyq ekonomıkalyq odaqqa múshe elder Prezıdentteri Qyrǵyzstannyń odaqqa ótýi týraly qujattardy ratıfıkasıalaǵany týraly osyǵan deıin de jazǵan bolatynbyz. Atalmysh qujattarǵa sáıkes Qyrǵyzstannyń EAEO múshe eldermen shekarasynda kedendik baqylaý beketterin alyp tastaý rásimi 12 tamyzǵa belgilengen. Bul týraly «Qamshy» portaly bnews.kz-ke silteme jasaı otyryp habarlaıdy.
«Qyrǵyzstannyń EAEO-ǵa tolyqqandy kirýine jáne «Aq-Jol» ótkizý beketinde kedendik baqylaýdy alyp tastaý úrdisteriniń júrgizilýine baılanysty Qyrǵyzstan men Qazaqstan arasyndaǵy memlekettik shekarany kesip ótetin tulǵalar, avtokólik quraldary men júkteri úshin shekara baqylaýyn júzege asyrý ýaqytsha toqtatylady», - dep kórsetilgen qujattarda.
Eske sala ketsek, Qyrǵyzstan bıligi Kedendik odaqqa kirý týraly sheshimdi 2011 jyldyń kókteminde qabyldaǵan bolatyn. 2014 jyldyń jeltoqsanynda Máskeýde taraptar respýblıkanyń EAEO-ǵa qosylýy týraly kelisimge, al mamyrda onyń úsh hattamasyna qol qoıdy.
Nurzat Toǵjan
