Jaqynda kásipkerlik nysandary boıynsha baspasóz týrynyń barysynda «Bıznestiń jol kartasy-2020» jáne basqa da «Damý» kásipkerlikti damytý qory» AQ baǵdarlamalarynyń aýqymynda Aqtaý qalasyndaǵy «Shyǵys-2 shaǵynaýdanynda 75 oryndyq jeke balabaqsha ashyldy.
Shyǵys-2 shaǵynaýdanynda 276 úı bar, onda memlekettik balabaqsha joq. Kásipker G.H.Orazbaeva («AlıhanıKO» JK) «Damý» qoryna óziniń aýdany 521 sharshymetrlik ekiqabatty úıinde balabaqsha ashý ıdeıasymen júgingen bolatyn. Startap-jobany «Reseı Jınaq banki» AQ enshiles kásiporny qarjylandyrdy, kásipker jyldyq 14 paıyzben 5 jylǵa 15 mln. teńge mólsherinde nesıe aldy. Bul qarjynyń basym bóligi (10 mln. teńge) sapaly reseılik jıhaz jáne qajetti jabdyqtar satyp alýǵa jumsaldy.
Balabaqsha 1,5-3 jastardaǵy balalarǵa arnalǵan, onda oıyn bólmesi jáne uıyqtaıtyn bólmeler, bólek sanıtarlyq torap jáne kirme esigi bar. Olardan úlkenirek eki top ekinshi qabatta ornalasady, syrtta ár topqa arnalǵan bólek oıyn alańdary jasalǵan. Sondaı-aq balabaqshadaǵy sokoldyq qabatta aǵylshyn, qazaq tilderin, arıfmetıka men saýat ashý sabaqtaryna arnalǵan bólmeler, akt jáne jattyǵý zaldary qarastyrylǵan.
«Balabaqsha ashýǵa ózimniń jeke kepildik qarajatym jetpeıtin boldy. Men kepildiń 30 paıyzyn tóledim, qalǵan 70 paıyzyna «Damý» qory kepildik berdi, bul memlekettiń naqty kómegi boldy. Men balabaqsha ashýǵa qajetti nesıege ıe boldym. Sondaı-aq jyldyq 14 paıyz ósimniń jartysyn memleket óz moınyna aldy», - dep atap ótti Gúlzıra Orazbaeva.
G.Orazbaeva qazan aıynda «İskerlik baılanystar» jobasy boıynsha oqýdan ótpek, bul oǵan Germanıada tegin taǵlymdamadan ótýge múmkindik beredi.
Qazirgi kúni balabaqshada tárbıelený quny aıyna 35 myń teńgeni quraıdy, biraq ta kásipker áıel «Balapan» memlekettik baǵdarlamasyna qatysa otyryp, eresek toptar úshin onyń baǵasyn 10 myń teńgege deıin tómendetpek. QR Úkimetiniń budan 5 jyl buryn bekitilgen qaýlysymen bul baǵdarlama oǵan «Aqstaý qalalyq bilim bólimi» MM-men shartqa otyryp, árbir tárbıelenýshi úshin aıyna 29 myń teńge sýbsıdıa alýǵa jol ashady.
Búginde Aqtaý qalasynda 66 balabaqsha jumys isteıdi, jańadan ashylyp otyrǵan osy uıymdy qosqanda olardyń 24-i - jeke kásiporyndar.
Derekkózi: QazAqparat
