Jańa óndiristiń ashylýy 10 jumys ornyn ashýǵa múmkindik berdi. Atap óteıik, Aqtaýda balmuzdaq shyǵaratyn sońǵy kásiporyn 6 jyl buryn jabylǵan.

«Jergilikti turǵyndardyń dámdik áýestigin taldaýdan ótkizip, jurtshylyqtyń tilegin esepke alyp, úsh túrli dámi bar plombır, ıaǵnı maılylyǵy 12 paıyzdyq  balmuzdaqtardy shyǵardyq. Qazirgi kezde táýligine myń tonna balmuzdaq shyǵarylyp otyr. Baǵasy qymbat emes - 35 teńge. Bizdiń kásiporyn sút ónimderin shyǵarady, sondyqtan kóp jabdyqtardy satyp alý qajet bolǵan joq», - dep baıandady  «Millina Food Production company LTD» dırektorynyń orynbasary Sálim Jaqybov.

Kompanıa ÚIID memlekettik baǵdarlamasynyń, «BJK-2030» qatysýshysy bolyp tabylady, memlekettiń qoldaýymen jabdyqtar men múlikti satyp alýǵa nesıe rásimdegen. Qazirgi kezde memleket «Damý» qory arqyly nesıe boıynsha paıyzdyq mólsherlemeni qarjylandyryp otyr, ıaǵnı JSHS 14 paıyzdyń tek jartysyn ǵana tóleýde.

Balmuzdaq shyǵarý jelisiniń ónimdiligi joǵary, 6 tonna. Qajettilik týyndaǵan jaǵdaıda, kásiporyn balmuzdaqtyń shyǵarylýyn kóbeıte alady. 

Derekkózi: QazAqparat