OQO, Kentaý qalasynda taǵy 3 balabaqsha men 1 mektep paıdalanýǵa berildi. Bul týraly «Qamshy» portaly Kentaý qalalyq ákimdiginiń resmı saıtyna silteme jasaı otyryp habarlaıdy.

Qazaqstan Respýblıkasynyń Prezıdenti óz Joldaýynda atap kórsetilgen on baǵyttyń biri- óńirlerdi damytý máselesi. Osy másele sheńberinde atqarylatyn mindettiń biri – bir salaly shaǵyn qalalardy damytý bolatyn. Osy baǵdarlamaǵa engen 27 qalanyń biri Kentaý qalasy. Búginde bul qalaǵa 59 jyl tolyp. Aıtýly kúnge oraı kenshiler qalasynda 4 áleýmettik nysan ashylyp el ıgiligine berildi. Olardyń biri 1200 oryndyq orta mektep. Zamanaýı úlgidegi talaptaryna saı salynǵan bul mektepte balalarǵa barlyq jaǵdaı jasalǵan. Sonymen qatar, bilim oshaǵyna avtonomdy jylý jáne káriz júıesi de tartylǵan. Osy mereke qarsańynda qalada 260 oryndyq «Aıgólek», 180 oryndyq «Saýle» jáne Hantaǵy aýylynda 140 oryndyq jalpy úsh balabaqsha ashylyp, búldirshinderdi qýanyshqa bóledi. Eńbekshiler qalasynda bıylǵy jyly 2 mektep pen 4 balabaqsha paıdalanýǵa berilse, 1 mektep pen 60 páterlik turǵyn úılerdiń qurylysy júrgizilýde. Shaǵyn qalalardy damytý baǵdarlamasy aıasynda qala mańyndaǵy shaǵyn aýdandarǵa ınfro qurylymdar tartylyp, Sh.Qaldaıaqov atyndaǵy mádenıet saraıy men qalalyq júzý baseıinderi kúrdeli jóndeýden ótkizilýde. 

OQO ákimi apparatynyń baspasóz qyzmeti