Búgin qala ákimshiliginiń ǵımaratynda memlekettik organdar basshylarynyń qurylys kompanıalarynyń, merdiger uıymdardyń ókilderimen kezdesýi ótti. Bul týraly «Qamshy» portaly habarlaıdy.

Jıyn barysynda Elbasy kótergen «Bes ınstıtýsıonaldy reformany» júzege asyrý mindetteri men mehanızmderi talqylandy.

Jıynǵa qatysýshylar «100 naqty qadam» Ult josparynyń birneshe tarmaǵynyń júzege asyrylýyna, sonyń ishinde qurylysqa ruqsat alýdyń úsh satyly qaǵıdatyn engizý, joba aldy jáne jobalyq-smetalyq qujatnama saraptamasyn ótkizýge baılanysty memlekettik monopolıadan birtindep bas tartý, qurylystyń smetalyq qunyn ańyqtaýdyń resýrstyq ádisin engizý, qenestik kezeńnen beri qoldanylyp kele jatqan qurylystyń eskirgen normalary men erejeleriniń ornyna eýrokodtar júıesin engizý máselesine nazar aýdardy.

Mańǵystaý oblysynyń qurylys basqarmasynyń basshysy Oraq Aıapovtyń sózinshe, «100 naqty qadam» Ult josparyny qoǵam ómiriniń negizgi salalaryn, atap aıtqanda, qurylys salasyn jańǵyrtýǵa baǵyttalǵan.

Qatysýshylar Ult josparynyń basymdaqtarynyń mańyzdylyǵyn ashyp kórsetip, ony iske asyrýdyń negizgi ádisterin talqylady. Jıyn qorytyndysy boıynsha naqty tapsyrmalar men usynystar berildi.

  Aqtaý qalasy ákimdiginiń baspasóz qyzmeti.