11 tamyzda Aqtaý qalasynyń ákimi Serikbaı Trumovtyń tóraǵalyǵymen aýmaǵynda ınertti qurylys materıaldary satylatyn úlken gabarıtti avtokólik turaǵynyń zańsyz qyzmeti máselesi boıynsha jıyn ótti. Bul týraly «Qamshy» portaly habarlaıdy.
Stıhıalyq avtoturaq №9 óndiris bazasynyń aımaǵynda, Shyǵys turǵyn úı massıvi men Munaıly aýdanynyń Basqudyq selolyq okrýginiń arasyndaǵy avtokólik jolynda ornalasqan.
- Barlyqtaryń óndiris bazalaryna jer suradyńdar, al nátıjesinde qurylys materıaldarynyń zańsyz saýda-sattyǵymen aınalysyp jatyrsyńdar. Jaqyn jerde turǵyn úıler turǵyzylýda, adamdar shań men shý arasynda ómir súrip jatyr. Kún saıyn mańaıda ornalasqan úılerdiń turǵyndarynan shaǵymdar túsýde. Kásipkerlerdiń óz qalasynyń patrıotyna aınalatyn ýaqyt kelip jetti ǵoı, jeke aýmaqtaryńdy retke keltirińder, - dedi Serikbaı Trumov.
Jıyn qorytyndysy boıynsha Aqtaý qalasynyń ákimi Serikbaı Trumov memlekettik organdarǵa birqatar tapsyrmalar berdi. Qalalyq jolaýshylar kóligi jáne avtomobıl joldary bólimine Aqtaý qalasynyń jol polısıasy basqarmasymen birlese otyryp tamyzdyń sońyna deıin joǵary atalǵan aımaqta kólik qozǵalysyn retteıtin, úlken gabarıtti avtokóliktiń zańsyz turaǵy men ınertti qurylys materıaldaryn satýǵa tyıym salatyn eskertý belgilerin ornatý tapsyryldy.
Úlken gabarıtti avtokóliktiń stıhıalyq turaǵyn joıý maqsatynda jer telimderine ıelik etetin kásipkerlerge tamyzdyń sońyna deıin ınertti qurylys materıaldary men avtokólikti óz aýmaǵynan Munaıly aýdanyndaǵy arnaıy saýda alańqaıyna kóshirýge usynys jasaldy. Talap oryndalmaǵan jaǵdaıda jer telimderin maqsaty boıynsha paıdalanbaǵan jer telimderiniń ıelerine ákimshilik sharalar qoldanylatyn bolady.
Aqtaý qalasy ákimdiginiń baspasóz qyzmeti.
