Bul týraly «Qamshy» portaly Aqtaý qalalyq qurylys bólimine silteme jasaı otyryp habarlaıdy. Ótken jyldyń birinshi jarty jyldyǵymen salystyrǵanda bul kórsetkish 80% artyq ósti. Turǵyn úıler salýshylardyń óz qarajatyna engizildi.
- 2015 jyly «Qoljetimdi baspana-2020» memlekettik baǵdarlamasy sheńberinde turǵyn úı qurylysy jalǵasýda. Máselen, jyl sońynda 32A shaǵyn aýdanynda yńǵaılylyqtyń IV dárejesine jatatyn úsh 120 páterli turǵyn úıdiń bireýi jergilikti atqarýshy organnyń kezekte turǵan qyzmetkerlerine qoldanysqa beriledi, - dep málimdedi.
Onyń aıtýynsha, «Turǵyn úı qurylys jınaq banki» arqyly 33 «Aqqý» shaǵyn aýdanynda smetalyq quny 8,1 mlrd. teńgege turǵyndardyń barlyq kategorıalaryna kópqabatty úıler men qalalyq mańyzy bar obektiler qurylysy bastaldy. Joba boıynsha jalpy turǵyn kólemi 54,6 myń sharshy metr nemese 747 páter. Nysandy 2016 jyly tapsyrý kózdelýde. Budan basqa 32A shaǵyn aýdanda somasy 661,3 mln. teńge bolatyn III dárejeli 120 páterlik turǵyn úı qurylysy aıaqtalýda, qoldanysqa berý merzimi 2015 jyldyń qyrkúıek aıy. «Turǵyn úı qurylys jınaq banki» AQ ekinshi baǵyty boıynsha jas otbasylarǵa arnalǵan 60 páterli eki turǵyn úı qurylysy aıaqtalýda (yńǵaılylyqtyń IV dárejesi). Qurylystyń smetalyq quny 608,4 mln. teńge.
- 32A shaǵyn aýdandaǵy turǵyn úılerdi ýaqytynda tapsyrý úshin jedel túrde magıstraldi syrtqy jeliler – jylýmen qamtamasyz etý, gazben jabdyqtandyrý, telefon baılanysyn júrgizý jáne ınjenerlik jeliler – sý tartý, káriz júıesin júrgizý, gazben jabdyqtandyrý, telefon baılanysyn tartý, avtokólik joldaryn tóseý, jol aımaqtary men trotýarlardy salý júrip jatyr. Qurylystyń jalpy quny 1,3 mlrd. teńge, QR Ulttyq qorynan 1 mlrd. teńge transfert bólindi, - dedi Aqtaý qalalyq qurylys bóliminde.
«Qoljetimdi baspana-2020» memlekettik baǵdarlamasyn júzege asyrý aıasynda 2014 jyly qoldanysqa 32A shaǵyn aýdanda «Turǵyn úı qurylys jınaq banki» AQ baǵyty boıynsha 40 jáne 60 páterli turǵyn úıler, úsh 100 páterli turǵyn úı berildi. Nysandardyń jalpy smetalyq quny 2,2 mlrd. teńgeni qurady.
Aqtaý qalasy ákimdiginiń baspasóz qyzmeti.
