Aqyn Mıshel Chen BRAÝN (Michelle Chan BROWN) jýyrda Álem halyqtary jazýshylary odaǵyna múshe bolyp qabyldanǵan. Amerıkandyq qalamger Fýlbraıt baǵdarlamasynyń (programma) stıpendıaty. Ol jazýshy retinde ádebıet salasynda birshama marapattarǵa ıe bolǵan. Máselen, 2012 jyly qalamgerdiń «Eki jaqty tyńshy» (Doble Agent - Dvoınoı agent) atty jyr jınaǵy tanymal Amerıka oqytýshysy ári jazýshysy Bhaný Kapıl tarapynan joǵary baǵalanyp,  Kore First Book Award – syılyǵyn jeńip alǵan. Al, «Otan. Qasqyrlarmen» (Rodına. S volkamı) atty jınaǵymen 2014 jyly Jan Feldman atyndaǵy poezıalyq syılyqqa qol jetkizdi.

Mıshel London qalasynda dúnıege kelgen. Onyń balalyq jáne jastyq shaǵy Praga, Belgrad, Krakov, Kıev jáne Máskeý qalalarynda ótken. Búgingi tańda ol Almaty qalasynda turyp eńbek etýde.

Aqynnyń óleńderi men shyǵarmashylyǵyna arnalǵan pikir, esseler aǵylshyn tilinde jaryq kóretin kóptegen ádebı jýrnaldarda jarıalanyp keledi.

Mıshel Chen BRAÝN Mıchıgan jáne Vırdjına shtatyndaǵy ýnıversıtetterde ádebıet pen shyǵarmashylyq hat (tvorcheskoe pısmo) páni boıynsha dáris berip, Jas qalamgerler konferensıasynda baıandama jasaǵan. Sonymen qatar, Pomfret mektebinde jazýshy retinde qyzmet etip, «Synǵan kópir» (Slomannyı most) atty Jazǵy shyǵarmashylyq sheberhanasynyń dırektory qyzmetin atqarǵan.

Mıshel Chen BRAÝN búingi arnaıy kezdesý sońynda (12.08.2015) Álem halyqtary jazýshylary odaǵynyń Amerıka qurama shtattaryndaǵy bas ókili bolyp taǵaıyndaldy. Sonymen «ÁHJO» qoǵamdyq birlestigi jetinshi memleketke esigin aıqara ashty.

Qosymsha aıta ketsek, ÁHJO músheleri kún sanap artyp keledi. Máselen, Qytaı halyq respýblıkasynda buǵan deıin QHR Memlekettik syılyǵynyń laýreaty jazýshy Ákpar Majıt múshe bolyp qabyldansa, búginde Qytaı memleketinen aqyn, jazýshy Asan Abeýuly men Dálelhan Smaıyluly múshelikke qabyldanyp otyr.