COVID-19 aýrýyna qarsy «dári» retinde Kóbeıtuz kóliniń tuzynyń kelisi áleýmettik jelide 5 myń teńgeden satylyp jatyr. Bul týraly QazAqparat habarlady.

"Kóbeıtuzdyń tuzyn satamyn. Kelisi – bes myń teńge. Kóptegen aýrýǵa em. Koronavırýs pen ish ótý jaǵdaıynda kómektesedi. Tamaqty shaıyp, asqa qosýǵa bolady. Tuzdy vanaǵa da jaqsy. Pikirge qaldyryńyz. Ózimiz sizge jazamyz. On shelek qana qaldy" delingen jelidegi paraqshalardyń birindegi habarlamada.

Buǵan deıin ekologıa, geologıa jáne tabıǵı resýrstar mınıstrligi Kóbeıtuzdyń lastanyp, ol jaqtan tuzdyń tıelip áketilýine baılanysty alańdaýshylyq bildirgen bolatyn.

– Jańa ǵana biz Kóbeıtuz kóline keldik. QR EGTRM ekologıa, geologıa jáne tabıǵı resýrstar komıtetiniń tóraǵasy Zulfyhar Joldasov bastaǵan mınıstrliktiń mamandarynan quralǵan top qajetti jumystardy atqaryp jatyr. Tıisti sharalar qabyldanyp jatyr. Sonymen birge, ekologtar sýdyń sapasy tekserý úshin synamasyn aldy,– dep jazdy áleýmettik jelide mınıstrliktiń baspasóz hatshysy.