Balı aralynda jol apatyna ushyraǵan qazaqstandyq esin jıdy, - dep habarlaıdy «Qamshy» portaly Tengrinews.kz-ke silteme jasaı otyryp.
Bul týraly tolyǵyraq QR SİM baspasóz-qyzmetinde aıtylǵan.
Vedomstvo ókilderiniń málimetinshe, Qazaqstan azamaty Rýslan Isaev motosıklde ushyraǵan jol apatynyń ýaqyty - 2015 jyldyń 6 tamyzy. Ol Sanglah Hospital aýrýhanasyna bassúıek mı jaraqatymen túsip, birneshe kún boıy es-tússiz jatqan. Qazirgi ýaqytta Rýslan Isaev komadan shyqty. Dárigerler onyń jaǵdaıynyń turaqty ekenin aıtty.
"Bul oqıǵa Qazaqstannyń Indonezıadaǵy elshiliginiń baqylaýynda. Konsýldyq bólimniń qyzmetkerleri zardap shekken azamattyń týystarymen baılanys ornatty jáne mundaı jaǵdaıda qajetti bolatyn kómekti kórsetip jatyr", - dedi mınıstrliktegiler.
Eske salaıyq, osyǵan deıin taý shańǵysynan sport sheberi, qazaqstandyq Rýslan Isaevtiń Balı aralynda jol apatyna ushyraǵany habarlanǵan bolatyn. 32 jastaǵy sportshy óz motosıklimen basqa bireýdikine soqqan.
Rýslannyń anasy Tamara Isaevanyń aıtýynsha, Indonezıaǵa ol 30 shildede ushyp ketken, keıin onyń artynan dostary baratyn boldy.
Jol apaty jóninde onyń tanysy Nıkolaı Kan tolyǵyraq aıtyp berdi. Onyń málimetinshe, qazaqstandyq sportshynyń bas súıegi synǵan, mıyna qan quıylǵan, qazir Rýslan Balı aralynyń ortalyq aýrýhanasynda jatyr. Onyń jaǵdaıy tym aýyr. Oǵan quny 90 myń dollar bolatyn operasıa jasalýy kerek.
