«Qazaqstan halqy Assambleıasy etnojýrnalıstıka salasyndaǵy «Shańyraq» atty baıqaýǵa qatysý úshin materıaldardy qabyldaýdyń bastalǵanyn jarıalaıdy. Oǵan televızıa, radıo jáne baspasóz tilshileri qatysa alady. Bul týraly "Qamshy" aqparattyq portaly inform.kz - ke silteme jasaı otyryp habarlaıdy. 

Al, baıqaýǵa qatysýshylardyń mindetine kelsek: usynylatyn materıaldardyń mazmuny rýhanı kelisim ıdeıalaryn, qazaqstandyq patrıotızmdi qalyptastyrý men nasıhattaýǵa baǵyttalýy qajet. Sonymen qatar usynylatyn materıaldar Qazaqstan Respýblıkasyndaǵy ultaralyq qatynastardyń ár túrli qyrlaryn qamtyp, etnomádenı birlestikterdiń, Qazaqstan halqy Assambleıasy men kishi assambleıalardyń qyzmetin baıandap, Qazaqstan halqynyń mádenıetin damytýǵa atsalysýy qajet".

2015 jylǵy baıqaý bes nomınasıa: «Qazaqstandyq patrıotızmdi nyǵaıtý», «Memlekettik til mártebesin kóterý», «Ultaralyq dostyq pen tatýlyqty bekitý», «Qazaqstandaǵy ulttardyń mádenıeti men dástúrin damytý», «Qazaqstan halqy Assambleıasynyń qyzmetin túsindirý» atalymdary boıynsha ótedi.

Baıqaýǵa qatysýǵa ótinishter qazannyń 25-ine deıin qabyldanady. Baıqaý qorytyndysy aǵymdaǵy jyldyń qarashasynda QHA halyqaralyq medıa-forýmy aıasynda jarıalanady.