Qytaıdyń Tánszın qalasyndaǵy logıstıkalyq kompanıanyń qoımasynda bolǵan jarylystan qaza tapqandar sany 85 adamǵa jetken. Bul týraly "Qamshy" aqparattyq portaly tengrinews.kz- ke silteme jasaı otyryp habarlaıdy.

Sońǵy málimetterge súıensek,  úıindiler arasynan taǵy 44 adam qutqarylǵan, buǵan deıin 55 adamnyń qaza tapqany, 701 adamnyń jaraqattanǵany habarlanǵan edi.

Baspasóz qyzmetiniń málimetinshe, Tánszındegi jarylystan 170 myń úı, 1700 kompanıa, 675 dúken zardap shegip, 10 myńnan asa avtomobıl órtenip ketken. Qoımadaǵy órtengen hımıkattardyń naqty mólsheri belgisiz.

Eske sala keteıik, 12 tamyzda Qytaıdyń soltústigindegi Tánszın qalasyndaǵy Ruihai Logistics logıstıkalyq kompanıasynyń qaýipti zattar saqtalatyn qoımasynda jarylys bolǵany habarlanǵan edi. Qytaıdyń seısmıkalyq agenttigi birinshi jarylystyń trotıl ekvıvalentinde úsh tonnalyq kúshke ıe bolǵanyn, al ekinshisi 21 tonna bolǵanyn habarlady.