Qazaq handyǵynyń jarty myńjyldyǵyna oraı Áýezov teatrynyń ujymy aýqymdy spektákl daıyndap jatyr. Jabal Erǵalıevtiń "Qıly jol" shyǵarmasynyń jelisindegi qoıylymǵa Kereı men Jánibek tusyndaǵy oqıǵalar arqaý bolǵan. Spektáklge uzyn-yrǵasy 500-den astam akter qatysdy. Jazǵy demalys maýsymyna qaramastan, Áýezov teatrynyń ujymy qazir qyzý jumys isteý ústinde. Bul týraly "Qamshy" aqparattyq portaly tengrinews.kz-ke silteme jasaı otyryp habarlaıdy.

Sonymen qatar, shyǵarmada 1465 jylǵy eleýli oqıǵa, ıaǵnı Kereı men Jánibektiń qazaq handyǵynyń qazyǵyn qaqqany baıandalatyny aıtylady. 1 saǵatqa josparlanǵan spektáklde Jánibek pen Kereıdiń Ábilhaıyr hannan bólinip, azattyq pen bostandyqty arman etken qalyń qazaqty artynan ertip, bir tý astyna jınaǵan kezeńi beınelenedi.

Qoıylymda handyqtyń qalaı qurylǵany, ol kezdegi talas-tartys, qıly zaman egjeı-tegjeıli kórsetiledi. Ashyq aspan astynda, úlken stadıonda qoıylatyn aýqymdy spektalde Áýezov teatry men Taraz qalasynyń 500-den astam ártisi atsalysady. 200 akter jaýyngerdiń rolinde oınap, sahnalyq shaıqastarǵa jaýapty bolsa, 150-den astam adam bı kórinisterin jasaıdy. HV ǵasyrdaǵy kóshpendi qazaqtyń baı mádenıeti qamtylatyn qoıylymdy jutań etip kórsetpeý úshin arnaıy kostúmder men bezendirýler ázirlenip jatyr.

"Qıly jol" qoıylymyn barsha kórermen qazan aıynda Taraz qalasynyń ortalyq stadıonynda tamashalaı alady. Qazaq handyǵynyń jarty myńjyldyǵyn toılaý barysynda jaryqqa shyǵatyn spektáklge Elbasynyń ózi arnaıy kelip qatysady dep josparlanyp otyr.