«Batys» óńirlik qolbasshylyǵyna qarasty Aqtaý garnızonynda QR Konstıtýsıasynyń 20 jyldyǵyn merekeleý aıasynda elimizdiń Qarýly Kúshterinde «Ata zańǵa adalmyz» atty patrıottyq aksıasy jalǵasýda.

«Konstıtýsıa - eldiń saıası, mádenı, rýhanı jáne áleýmettik damýynyń qaınar kózi. Táýelsiz el bolǵan jyldardaǵy bizdiń barlyq jetistikterimiz eldiń negizgi zańynyń aıasynda iske asty. Osy jyldardy eldiń qorǵanys qabiletin nyǵaıtý jáne kásibı armıany kúsheıtýbasty nazarda boldy. Búgingi kúni Qarýly Kúshter zaman talabyna saı memlekettiń senimdi qalqanyna aınaldy», - dep atap ótti QR QK Qurlyq áskerleri bas qolbasshysynyń Tárbıe jáne  áleýmetttik quqyqtyq jumystar jónindegi orynbasary polkovnık Jumabek Hasenov quttyqtaý sózinde.

«Aqtaý garnızonynyń áskerı qyzmetshileri Konstıtýsıada bekitilgendeı, el tynyshtyǵy men ulttyq qaýipsizdikti qorǵaýǵa árqashan daıyn», - dedi 25744 áskerı bóliminiń komandıri podpolkovnık Erbolat Tolyqbaev.

QR Qorǵanys mınıstrligi baspasóz qyzmetiniń habarlaýynsha, mereıtoı kúni qarsańynda birneshe áskerı qyzmetshilerge maqtaý gramotalary men alǵys hattar tabys etilgen. Atap aıtsaq, 25744 áskerı bóliminiń ınjenerlik qyzmet bastyǵy gvardıa kapıtany Máýlet Tuıaqbaev «Úzdik otbasy» atalymyn, osy bólimniń 2-shi tank rotasynyń 1-shi vzvod komandıri gvardıa kapıtany Aqynbekuly Baqbersin «Úzdik rota komandıri» atalymyn enshiledi. Al 2-shi tank rotasynyń 1-shi vzvod komandıri gvardıa aǵa leıtenanty Jandos Temirbekov «Úzdik vzvod komandıri» boldy. Atalǵan bólimniń tank batalóny serjanty, gvardıanyń 3-synypty serjanty Asqat Mýsın «Úzdik batalón serjanty», al 1-shi jaıaý áskerler rotasynyń serjanty, gvardıa serjanty Qaırat Esmuqanov«Úzdik rota serjanty», sondaı-aq 2-shi teńiz jaıaý batalóny otpen qoldaý rotasynyń vzvod serjanty, gvardıa serjanty Ábdimálik Áshirbekov «Úzdik vzvod serjanty» atandy.

Esterińizge sala ketsek, QR Qarýly Kúshterdiń qoldaýymen ótetin«Ata zańǵa adalmyz» atty patrıottyq aksıasy osy aptada Qaraǵandyda ótedi. Aqtaýdan keıin aksıa Shymkentte (18 tamyz) jalǵasyp,  Óskemende (24 tamyz) aıaqtalady.  

Derekkózi: QazAqparat