Endi Qazaqstan jańa ekonomıkalyq saıasatqa kóshetin bolady. Bul týraly QR Úkimet basshasy Kárim Másimov úkimettiń slektorly otyrysynda  málimdegen. Bul týraly «Qamshy» portaly  Tengrinews.kz-ke silteme jasaı otyryp habarlaıdy.

Úkimettiń selektorly otyrysynda Kárim Másimov myrza 20 tamyzdan bastap Qazaqstanda valúta dálizi alynyp tastaıtynyn jáne teńge baǵamyn erkine jiberetinin aıtqan.  Premer-mınıstr myrzanyń aıtýynsha, bul valúta aıyrbastaý kýrsynyń nyǵaıyp ta, álsirep te ketetinin kórsetedi. Onyń aıtýynsha, teńgeniń aıyrbas baǵamy naryqtaǵy suranys pen usynystyń irgeli ishki jáne syrtqy makroekonomıkalyq faktorlaryn esepke alý negizinde qurylady.  " Onyń aıtýynsha, Ulttyq bank aıyrbas baǵamynyń naryqtaǵy deńgeıiniń qurylýyna aralaspaıdy, alaıda ol qarjy júıesindegi turaqsyzdyq qaýpi týyndaǵan jaǵdaıda valútalyq ıntervensıa ótkizý jolymen ishki valútalyq naryqqa qatysý quqyǵyn alady.

Mınıstrler kabınetiniń basshysy ınflásıalyq targetteý rejımine negizdelgen jańa aqsha-kredıt saıasatynyń júzege asyrylýynyń ekonomıkalyq saıasattyń strategıalyq máselelerin (otandyq ekonomıkanyq uzaq merzimdi turaqty damýyna qol jetkizýge, ınflásıanyń tómen deńgeıine, el halqynyń jumyspen qamtylýynyń jáne jaǵdaıynyń deńgeıin kóterýge) sheshýge qolǵabys bolatynyn atap ótti.   

"Aıyrbas baǵamynyń memlekettiń qatysýynsyz júzege asyrylatyn naryqtaǵy suranysy men usynysy ekonomıkalyq damýdy qaıta qurýǵa, kredıttik jáne ınvestısıalyq belsendiliktiń joǵarylýyna, 3-4 paıyzǵa deıin uzaq merzimdi perspektıvada jańa jumys oryndaryn ashýǵa qajetti múmkindikterdi týǵyzady", - dedi Másimov.

«Biz buǵan uzaq daıyndaldyq. Ózge elderdiń tájirıbesin qaradyq», – dep atap ótken Másimov Avstralıa men Kanadanyń ekonomıkasyn baǵdarda ustaý kerektigin aıtty.

Úkimettiń kelesi otyrysy senbi, 22 tamyz kúni ótedi.

Nurzat Toǵjan